Wiladet sy phly chand waqiaat Seeratunnabiﷺ (Qist nambr:20,21)

Wiladet sy  phly chand waqiaat

 Seeratunnabiﷺ (Qist nambr:20) ========================== 

Yahan un chand muhayyar ulaqool waqiat ka zikar zarori hey jo aap ki wiladat mubarkah se kach pehle or waqat wiladat pesh aey. Is ziman men ek woh waqia hey, jab neem bidari ke alim min aap ﷺ ki pedaish se kach pehle hazrat Aamina dardazah min mubtala then, Aap farmati hen keh in ke jism se ek noor nikla jis ny tamam masharq w magharib ko roshan kardiya. Is ke sath hi inhen waza hamil ki takleef se najat mil gayi.

Is ke bad woh noor semat kar in ke qarib aaya or inhen esa muhasos hawa jise is mujasm noor ny zamin se ek muthi mati utha kar in ki taraf barhai jo hazrat Aamina ny apane hath min ley li or is ke bad is noor ny apana rukh Aasman ki taraf karliya.

Hazrat Usman bin abi alas razi Allahu anhu ki walidah farmati hen keh Hazrat Aamina ke waza hamil ke wqat woh wahin mojud then or unhon ny wahan seway noor ke kach or na dekha or bahir stare zamin ke is qadar nazdek aa gaye thy keh goya zamin par girne wale hon.

Yeh sab naaqabl yaqeen tha. Hazrat Abdulrahman bin auf razi Allahu anhu ki walidah Aap ki wiladat ke waqat Qaabilah (Daai) ki khidmaat saranjam de rahi then. Un ka biyan hey keh jab aanhazrat ﷺ apani walidah ke batn se un ke hath min Aay to nomolud ke jism se esa noor talo hawa keh jis se sara hujarah or is ke dar w dewar chamak uthey.

Is ziman  min ek yahudi ka waqia ajeeb w ghareeb hey. Hisham bin urwah  Apane walid or Ummulmomanin Hazrat Ayishah sadiqah taahirah razi  Allahu anaha ke hawale se biyan karte hen keh ek yahudi makah min reh kar tajart karta tha. Jis roz Aap ki wiladat mubarkah hoi us roz is ny ek mujals min quresh se pochha. "Kiya tumahin malom hey keh kal raat tumahari qaum min ek azeemulshan bachah peda hawa hay?."

 Woh boly: "Nihen to...." 

Daryaft karny par malom huwa keh hazrat Aamina bint wahab ke batn se Hazrat Abdalmutalab ke betay Hazrat Abdullah ke han ek bachah peda huwa hy. Is yahudi ny quresh ke logon se kaha keh tum mujhy wahan chal kar woh bachah dikhao.

Yahudi ki is darkhwast par woh log ise Hazrat Abdalmutalab ke makan tak le gaye. Jab aap ﷺ ko is yahudi ke samany laaya gaya to logon ny dekha keh aap ﷺ ka rooway mubark chand se ziyadah roshan hay. Yeh noor nabuwat tha jis ke aasar is noor ki soorat min Aap ﷺ ke chahry or peshani se zaahir ho rahe thy.

Dosari taraf jab yahudi ny Aap ﷺ ki pusht khol kar dekhi or is ki nazar jab shanon ke darmiyan ek mssah (mohar nabuwat _ Jis min ghorhy ke ayal ki tarah chand balon ki ek qatar thi) par parhi to be hosh ho kar gir gaya. Jab isy hosh aaya to quresh ke logon ny is se pochha,  Are tajhe kiya huwa....?" Woh yahudi ro-ro kar kahane laga.... 

Aaj hum bani Isaril se nabuwat ka silsalah tumahari qoum min muntaqil ho gia". Phir jab is ki tabiyat sambhali to is ny quresh ko is neamat ki mubark di or kaha keh tumahari satot ki yeh khabar ab mashariq taa magharib phel jay gi. =================

 Seeratunnabi   ﷺ (Qist nomber 21) ========================== 

Hafiz Abu nuayim apani kitab "Dlaile alnabuwat" min Abdurahman bin abu saeed ke hawale se biyan karte hen keh ek roz Abdurahman bin abi saeed bani ashhal min tehry huway thy. Inhen Aap  ki wiladat mubarkah ki koi khabar na thi magar agle roz jab wah apane kuch sathiyon ke sath qabelah harb min moqam Hdna pohche to unhon ny yusha naam ke ek yahudi Aalim ko kehate suna... "Min dekh raha hon keh Ahmed naam ka ek nabi makah min peda hony wala hay".

Yeh sun kar bani Ashhal ke ek shakhas khalifah bin salbah ashhali ny yusha se kaha....To mazaq to nihen kar raha....? 

Acha bata keh is nabi ke Owsaf kiya hon ge?

Yousha bola: "Is ka zahor harm ki taraf se hoga.... Is ka qad na chhota hoga na bahat tavel..... Is ki Aankhon min surkh dore hon gy. Libas ke sath is ke sar par amamah hoga".

Jab khalifah bin salbah ashhali ny Apany qabele min wapis ja kar yusha yahudi ki zuban se suni hoi yeh batin sunain to is ke qabele wale yak zuban hokar bole........

"tum ek yusha  ki bat karte ho.... Kal se yasarb (madina) ke tamam yahudi yahi batin kar rehy hen".

Is ke alawah malik bin sanan btaty hen keh woh is roz apane ghar se Etafaqan" qabelah bano Qureezah (yahudi qabelah) min chaly gay. Unhon ny wahan dekha keh bohat se log Ekathy hen or un ka ek Aalim "Zuber bin btta" keh raha hey....

 "Aasman par ek surkh sitarah namudar hawa hay or esa sitarah sirf is waqat namudar hota hey jab kahin koi nabi peda hota hey. Aaj  jo nabi peda huwa hey is ka naam Ahamad hey jo aakhari nabi ka naam hey or woh hijrat karke yahin Aay ga".

Yaad rahe keh Aap ﷺ ke mutaliq tamam mazahib ki mazhabi kitabon min pesh goiyan mojud hen jin ke mutabiq aap ka naam mubark Torat w Enjil min "Ahamed" aaya hey.

Jab mudat bad kisi shakhs ny aanhazrat ﷺ se Zuber bin btta ki yeh batin biyan kin to aap ﷺ ny farmaya: Agar Zuber bin btta apani zandgi min muslman ho jata to is ki sari qaum eman le aati, cunkah woh bhi is ka Etiba karti".

Abu Nuayim chand dosary siqah raavion or Zaid bin saabat razi Allahu anhu ke hawale se kahate hen keh bano qureezah or bano nazeer ke yahudiyon ka kehna tha keh surkh starah sirf duniya ke aakhari nabi ki wiladat par talo hoga.  Is ka naam "Ahmed" hoga or woh hijrat karke yasarb (madina)  Aye ga. Hamare ley is ki Eta'at laazm hay.

Magar jab aanhazrat  makah se hijrat karke madina tashareef le gaye to wahi yahudi jo apani mazhabi katabon ki peshgoion par keh un ka najat dahindah nabi arb min Zahor pazeer hoga, or woh filsateen se isi intezar min yahan madina aabad hogaye thy, sirf is hasad ki bina par keh nabi Aakhiralzaman in ki qaum bani Esaril ke  bjay bani ismael min kiyon peda haway? na sirf apany Qowl se phir gaye balkeh janty bojhty apany kufar par bhi qaim rahy.

In waqyaat ke Elawah chand or ajeeb tarin waqiat waladat mubarkah ke waqat shehnsha Iran "Kisra" ke mahal min pesh  Aay, jab wahan zalzalah aaya or na sirf mahal ke 14 kingre gir gay balkeh ek hazar saal se roshan shahi Atush kade ki aag bhi yakdam bhujh gayi. Jabkeh baheerah sawah josh kha kar khushak hogia.

Yeh tamam waqiat agli Qist min biyan kaye jain gey.

=======================

Seertunnabi. Molana shibli nomani.

Seerat ulmustafa. Molana muhammad Adaris kandahlvi.

Araheeq-ul-makhtom urdu

Molana Safiu-ur-rahman Mubarik puri