Hazrat Abdullah or hazrat Aamina ki shadi or wiladatunnabi

Hazrat Abdullah or hazrat Aamina ki shadi.

(Seeratunnabi, Qist no:18,19)

==========================

Hazrat Abdullah bin Abdalmutalab 545  min peda huvay. Aap ki waldah ka naam fatimah bint amaro tha. Aap deen hanif (Deen Ibrahimi) par qaaim the or un ki bot paristi or kesi akhalaqi burai (jo un dinon arb min am then) ki koi ek rawayat bhi nihen malti. Hazrat Abdalmutalab ny mannt mani thi keh agar un ke dass betay peda howy or sab ke sab naujawani ki Omar ko pohch gaye to woh apana ek beta Allah ki raah min qurban kardin ge.

Is waqia ki tafseel bhi pachali aqsat min guzar chaki hay lehzah is se aage ke waqaat ki taraf chalte hen.

 Hazrat Abdullah jab qurbani se bach nikale to hazrat abdalmutalab ny in ki shadi ka socha. Hazrat Abdullah apane walid or dada ki tarah nahayat hi hasin wa jamel or wajih ansan thy. Makah ki kai shareef zaadiyan un se shadi ki khwahish mand then magar piyare nabi  Hazrat Muhammad  sallallahu aliyhi wasalm ki walidah mohtarmah banane ki sa'adat hazrat Aamina bint wahab ki qismat min lakhi thi. 

Un shareef zaadiyon ki is khwahish ke piche sirf hazrat Abdullah ki zaahari shaqsiyat hi wajah na thi balkeh is ki asil wajah woh NOOR nabuwat tha jo in ki peshani min chand ki tarah chamakta tha.

Un aurton min ek aurt hazrat khadijah razi Allah anha ki chcha ki beti or mashahur "warqah bin naufl" ki behan "Umm-e-qataal" then. Un ky bhai warqah bin naufl anjil w sabaqah sahaif aasmani ke Alom ke mahar the or in ki wajah se umm qataal janti then keh hazrat abdallah ki peshani min chamkane wala noor, noor nabuwat hay or esi liye in ki khwahish thi keh yeh noor in ke batn se janum le.

Dosari aurt ek kahina "Fatmah bint murulkhasamia" then, jinhon ny apani rohani istadad se jan liya tha keh hazrat Abdullah ki peshani min jo noor damkta hey woh noor nabuwat hey, is laye yeh bhi hazrat Abdullah se shadi ki khwahishmand then.

Taaham hazrat Abdalmutalab ki nazar intakhab  hazrat Aamina  par jakar ruki jo qabelah zohrah ke sardar "wahab bin abd manaf bin zohrah bin kalaab" ki beti then or quresh ke tamam khandanon min apani pakizgi or nik fitrat ke lahaz se mamataz then. Is waqat woh apane chcha "woheeb bin abdmanaf bin zohrah" ke pas muqeem then.

Hazrat Abdalmutalab woheeb ke pas gaye or hazrat Abdullah ke liye hazrat Aamina ka rishtah manga jase qabol kar liya gaya or yon hazrat Abdullah or hazrat Aamina rashtah azdwaj min manslik hogaye.

Is moqa par khud hazrat Abdalmutalab ny bhi ek kahin ky kehny par woheeb bin abdmanaf ki beti "haalah" se shadi karli jin se hazrat safiya razi Allahu anaha or hazrat Hamzah razi Allahu anho jise jarri shair peda howy.

Hazrat Hamzah razi Allahu anhu aap sallallahu aliyhi  wasalm ke chcha hone ke sath-sath man ke rashte se khalah zaad bhai bhi thy, cunkah janab haalah or hazrat Aamina aaps min chchazad bahanin bhi then.

Dosari taraf jab is shadi ka ilam umm qataal or fatimah bint murrulkhasamia ko huwa to woh behad ranjeedah huven or is sa'adat ko haasil karne min naakami par ro parin. Un ka rona waqei min haq bajanb tha keh  Nabi aakharalzaman sallallahu aliyhi wasalm  ki walidah hone ka ezaaz sari duniya ki qeemt se barh kar tha, or yeh ezaaz Allah ny hazrat Aamina ke naseeb min likh diya tha.

Wiladet Hazrat Muhammad ========================== 

Hazrat Abdullah ki shadi ke waqat Omar taqriban 17 yaa 22 bars thi. Arb min dastor tha keh dolaha shadi ke bad 3 Maah tak apane sussral min rahaish pazeer rahta. Chunanchah hazrat abdallah bhi 3 maah apane sussral min maqeem rahe.

 Ba'ad azan hazrat Aamina ko le kr makah apane ghar waps aagay. Islam se pehle dur jahaliyat min baqaidah nikah ka koi am rawaj na tha. Sirf khal-khal hi tabaqah asharafiya min baqaidah nikah kiya jata, warna am tur par mard w zann ke azdwaji taalqaat zana ki hi surt thy. Islam ke ba'ad jin ke baqaidah tariqe se nikah huway thy un ki shadiyon ko jaiz or sahi samja gaya or ese joron ke islam laany ke ba'ad in ke qabal islam nakahon ko shariyat islami ke mutabiq darust qarar dite huway aap ﷺ ny un ke dubarah nakah ki zarort nihen samajhi thi.

Aesa hi ek sahi or baqaidah nikah hazrat Abdullah or hazrat Aamina ka hawa. Isi laye aap ﷺ ka farman mubark hey kah: "meri waladat baqaidah nikah se hoi hay".

Pechle  aqsat min zikar kiya jaa chuka hey keh aap ﷺ ke pardada hazrat hashim ke dur se quresh makah ke tajarti qaafile Iran w Sham or Yaman w Hind tak jaya karte thy to esa hi ek tajarti qaafilah lekr hazrat abdallah bhi sham ki taraf gaye. Wahan se waps makah ki taraf lottety huway raastah min yasrib (madina) ke qarib woh shadeed bemar pargaye. Chunanchah woh madina min hi apane nanhiyal apane mamuon ke pas tehr gaye jab keh un ke hamsafar makah wapis aagay.

Jab hazrat Abdalmutalab ny un ke sath apane chahite betay ko na dekha to un se hazrat Abdallah ke bare min pochha. Unhon ny jab hazrat abdalmutalab ko hazrat abdallah ki bemari ki baat batai to hazrat abdalmutalab behad pareshan hogaye.

Foran apane sab se barhy betay "Haris" ko yasarb hazrat Abdullah ki khairiyat malom karne bheja lican jab janab haris yasarb pohche to in ko yeh andoh naak khabar mali keh hazrat Abdullah bemari ki taab na laakar wafat pa chuke hen, or un ko "Daarun-nabgah" min dafn bhi kiya jachka hey.

Jnab Haris jab yeh almanak khabar lekr makah wapis  Aay to hazrat Abdalmutalab apani jan se piyare betay ki jawan mot ka sunn kar shidat gham se behosh hogayy.

Hazrat Aamina par apane mehaboob shohar ki mot ka sunn kar saktah taari hogia. Dosari taraf sab behan bhai apani- apani jagah is dukh ke hathon be haal thy. Khandan bano hashim par ek mujamui sog ka alim chha gaya. 

Cunkah hazrat Abdullah apane husan w jamal, liyaqt, kirdar or naabgah rozgar shaqsiyat ki wajah se sare khandan ki aankh ka taarah thy. Magar yeh roshan sitarah mehaz 25 sal ki omar min hi dob gaya or yon tamam jahanon ke liye rahmat banane wale  Allah ke mahbub nabi ﷺ abhi shikam madar min hi thy keh yatim hogaye.

Jawan sal or chahite betay ki wafat ka gham hazrat Abdalmutalab ke laye agar sohaan rooh tha to dosari taraf mahaboob shohar ki mot ka dukh hazrat Aamina ke laye lmaha- lmaha karb w aziyat ka ba'ais tha.

Lican Allah ny in donon ko ziyadah arsah ghamzdah na rahne diya or hazrat Abdullah ki wafat se chand mah ba'ad baroz somwar 9 Rabi ulawal bamutabiq 20 april 571  ko hazrat Aamina ke han Allah ke habeeb hazrat Muhammad ﷺ peda huway.

Ek kaniez ko foran hazrat Abdalmutalab ki taraf bheja gaya jo khushi ke mare dorhti hoi hazrat Abdalmutalab ke pas pohnchi, jo is waqat (ghalban) harm shareef min mojud thy.

Etni barhi khush khabari ko sunn kar hazrat Abdalmutalab foran ghar pohchy or jab Unhon ny "nannhy hazoor" ko dekha to apani jagah kharhy ke kharhy reh gay, or phir apane jazbat ka izhar chand ashaar min biyan kiya jin min aap sallallahu aliyhi wasalm ke husan w jamal ko "Ghilman" ke husan w jamal se bartar bataya.

Phir Allah ka shukar adaa kiya keh is ny aap ko hazrat Abdullah ka ne'em-ul-badil ata farmaya hay.

Not: Nabi sallallahu aliyhi wasalm ki waladat basadat ke mutalq Ulma w muhaqqeen ki tehqeeq min ikhtalaf hey. Kuch ki tehqeeq 9 rabi ulawul hi hay, or kach ke mutabiq 12 rabi ulawul hey. Mahir falakiyat ki tehqeeq se bhi 9 rabi ulawul sadiq aati hay, jabakah 12 rabi ulawul nabi ﷺ ke wisal par tamam mutafiq hen. ============

 Hawalah  jaat👇

Seert unnabi. Molana shibli Nomani.

Tarekh iban kaseer (albadaya walnahaya).

Tarekh islam (urdu). Akbar shah khan najeeb Aabadi.