Khandan nabvi ka taaruf, Ohdy or khidmaat. Qist nambr: 2

 Seerat-un-nabi

 Khandan nabvi ka taaruf, Ohdy or khidmaat. (Qist nambr: 2) 

 Is dur min Arab ki ek mashahur hasti ka naam Qusai bin Kilab thaa. Ek riwayat ke matabiq Qusai bin kilab ka lqab "Quryesh" tha. Jis ki wajah se un ki aal-o-olad ko "Quryshi" kaha jane laga. Jub kah ek dosari rawayat ke mutabiq Qusai bin kilab se chay (six) pucht pehle bano Ismael min "fahar bin malik" ek buzurg Thy, jin ka lqab Quresh tha. Qusai bin kilab bano Murrah bin ka'ab makah min quresh ke pesh waaThy. Unhon ne makah ko "khuza'a" ke taslut se aazad karaya, or quresh ko zillat ke bad sharaaft bakhshi. Kunwan khudna, biyat-u-alharam ke zaireen ki khidmat rasani or kaabah ki ta'meer now in ki namayan khidmaat hen.

Biayt-ul- Allah ki pasabani or Qusai bin kilab:

Khana kaabah ki pasabani ek esa sharf tha, jis ki wajah Qusai bin kilab or un ki olad ko na sirf makah, balkah pore jazirah numa arb min ek khasosi Ezzat w siyadat haasil hogayi thi. Or phar is Quresh (Qusai bin kilab ki aal) ne khud ko is ke ahil saabit bhi kiya.

Qusai bin kilab ne  na sirf  khana kaabah ka jumlah Entezam w Ensaram ka bandubast kiya, balkeh is se aage brhaa kar makah ko baqaidah ek ryast ka rop de kar chay (six) mukhtalf shabe qaim kaye, or inhen Qbail logon min taqseem kiya. Jesy un ki wafaat ke bad un ky poton ne bahami Ifhaam w tafaheem se chhe shabon se barha kar dass (10) shabon min taqsim karke, aaps min bant liya. Or yahi nazaam be'esat-e- nabvi sallallaha aliyhi wasalm tak barhi kamiyabi se chalaya gaya.

 Hashmi khandan or khidmaat:

Is taqsim ke natije min aap sallahu aliyhi wasalm ke jadd e amajd hazrat hashim ko "saqaya" (haajion ko pani plane ka kam), "Ammarat-ul-lbiyat" (harm min nazam w zabat qaim rakhana or ahtaram harm ka khayal rakhana) or "Efazah" (haj ki qayadat karna) ki khidmaat sonpi gayi, jo in ke bad bano hashim ke khandan min nasl dar nasl chalti rahin.

Hashmi khandan or safart kari:

Hazrat hashim bin abd-e-munaf Qusai bin kilab ke pote thy.  Wo nahayat hi jalil alqadar buzurg Thy. Unhon ne shah-e-habshah or qisar-e-rom se bhi apane safarti wo tajarti taalqaat qaim kar laye thy. Jubkah mukhtalf qabile arb se bhi moahidaat karlaye. Un ke is tareeqah kar or karnamon ki wajah se Quresh ke baqi qabile min bano hashim ko ek khsosi Ezzat w Ehtaram ka moqam haasil hogia tha.

Khandan bano Umia or fogi qayadat:

Un ke alawah midaan-e-jang min foj ki qayadat or alm bardari ka shobah khandan bano umia ke hissay min aaya. Lshkar quresh ka Sepah salar bano umia se hi hota tha. Chunan chah "harb" jo hazrat hashim ke bhatije umia ke betay thy, un ko or in ky betay hazrat abu sufiyan ko Esi wajah se Quresh ke lshkar ki qayadat sonpi jati thi.

Bano Tmeem or Un ka Ohdah:

 jabakah hazrat abo bakar sadiq razi Allah u anhu ke qabele bano tamim bin murrah ko "ashanaq" yani dewani w fojadari adalt, diyat w jarmane ki wasuli or tawan ki zimmah dari sonpi gayi.

Khandan bano adi or Ohdah safart:

 Is ke alawah shobah sfaart hazrat Umar faroq razi allah Anhu ke qabelah bano adi ke hissay min aaya. In ka kam dosare qbaail ke sath mazakarat, moahidat or safart kari tha.

Bano mkhazoom ki Zema dari:

Bano mukhazoom jo hazrat khalid bin walid razi allha anhu ka qabelah tha, In ke hissay min "Qubbah wa Ea'ana" ka shobah aaya. In ka kam qaumi zaroryat ke laye mal w asabab akatha karna or fogi sazo saman or ghoron ki farahami tha. Quresh ke ghur sawar dasty ka kamandr bhi Esi qabele se hota tha. Apna waqat aane par hazrat khalid bin walid razi allah anhu ne muddaton shahah swar daston ki kaman nahayat khush Uslobi se sambhali.

Esi tarah baqi panch shabon ki Zimah dari mukhtalf qabile Quresh ke hawale kardi gayi.

 Hawalah jat: "sert-un-nabi"

Molana shibli naamani. 

"sert almustafa".

Molana Muhammad adaris kandahlvi

"Alraheeq-ul-makhtom" (urdu)

Molana safi-ur-ahman mubarkpoori.