Wiladet Rasool Or Halimah sadiya ki makkah Aamed qist, 23,24,25

Wiladet Rasool Or Halimah sadiya ki  Makkah Aamed or Aap ki Bano Hwazin men Parwerish.

(Qist 23,24,25)

 ==========================

Rawayat ke matabiq jab Aap peda  huway to foran hazrat umm eman razi Allahu anaha ko is khushkhabari ki atla hazrat abdalmutalab ko dine ke laye bheja gaya. Hazrat umm eman razi allahu anaha hazrat abdallah ki kanies then. In ka asil naam barkah tha. In ki shadi bad azan aap sallallahu aliyhi wasalm ny apane ghulam hazrat zaid bin haarisah razi Allahu anhu se kardi thi jin se hazrat Usamah bin zaid razi Allahu anahu peda huway. Hazrat umm eman razi Allahu anaha khushi ke mare dorhti huve hazrat abdalmutalab ke pas pohchin or inhen Aap ki pedaish ki khushkhabari di.

Hazrat abdalmutalab jo is waqat harm kaabah min mojud thy, aap ﷺ ki pedaish ki khabar soun kar woh behad musaror huwy or Hazrat umm eman razi allahu anaha ke sath foran ghar pohche. Wahan "nanhe hazu" ﷺ ke husan w jamal ko dekh kar shasdar rah gaye or phir apane jazbat ka izhar chand ashaar min biyan kiya jin min aap  ke husan w jamal ko "Galman" ke husan w jamal se bartar bataya. Phir khuda ka shukar ada kiya keh is ny aap ko hazrat abdallah ka neam-ul-badil ata farmaya. (Yaad rahe keh aap ﷺ ke walid hazrat abdallah, dada hazrat abdalmutalab or pardada hazrat hashim tinon hi aap ﷺ ki tarah nahayat khoobsurt or mardana wajaht ka pecr thy.) 

Imam Biyahqi  mukhtalf hawalon se jin min hazrat Abbas bin abdalmutalab razi Allahu anhu or in ke betay hazrat abdallah bin Abbas razi allahu anhu bhi shamil hen, biyan karte hen keh aap ﷺ mukhton yauni khtana shdah peda huway the jis par hazrat abdalmutalab ny bohat musart aamez heert ka izhar farmaya. Imam biyahqi ny  hi mukhtalf hawalon se yeh bhi biyan kiya hey keh aap ﷺ ki pedaish ke bad hazrat abdalmutalab ny aap ko apane ghar ki aurton ke superd kardiya. Woh har subah ko hazrat abdalmutalab ko batatin keh unhon ny Aesa bachah kabhi nihen dekha. Woh batatin keh nomolud yauni nanhe hazur (salallahu aliyhi  wasalm) sobah ko hameshah bidar hi nazar aate hen or aankhen khole tictki bandhe aasman ko takte rahte hen.

Is par hazrat abdalmutalab khushi ka Ezhar farmate keh unhen ummid hey keh in ka pota ﷺ barhi shan wala hoga.

Shuro ke chand din Aap ko aap ki walidah majidah hazrat Aamina ny dudh playa. Do teen din bad aap ko dudh plane ka sharf hazrat "subiya" yaa  "sowebah" razi Allah anaha ko naseeb hawa. Hazrat subiya razi Allah anaha aap ﷺ wasalm ke chcha "Abo lahb" ki kanies then. Abo lahb ny aap ﷺ ki waladat ki khushi min inhen aazad kar diya.

Hazrat subiya razi allahu anaha ny Aap ﷺ ke ham umar chcha hazrat hamzah razi allah  anhu ko bhi dudh playa tha. In ke alawah chand or aurton ny bhi aap ﷺ ko dudh playa.

Afsos keh aap ﷺ ki pedaish par khushiyan manane wala abo lahb badazan Aap ka ek badtarin mukhalf ban kar samane aaya or woh or is ki bevi "umm jameel" sari zandgi Islam  mukhalf sargarmiyon min masrof rahe. Abolahb sharo islam min aap  ka shaid sab se barha mukhalf tha.

Ghalban yahi woh shakhs hey jis ny tab quresh makah ko badarah kiya or aap ﷺ ki barbadi ki baduain din jab Aap ny koh safa par apani sari qaum ko Ekatha kar ke Tuheed ki dawat di.

Is ki bevi umm jameel ki siyah kariyon min ek yeh siyah amal bhi shamil tha keh aap ﷺ jin raaston se guzarne wale hote yeh in raaston par kantay bacha diti. Un donon ki muzmmat min ek pori sorah naazl hoi jis ka naam isi badbakht ke naam par sorah abi lahb hey. Is ka tafseeli zikar aage Ay gaa.

Naam Mubarak  "MUHAMMAD" Or Aaqeeqah. (Qist no. 24)

Wiladat mubarkah ke satwen din aap ﷺ ke aqeeqah ki rasm ada ki gayi. Is moqa par hazrat abdalmutalab ny quresh makah ko dawut de kar shareek kiya. Duran majals quresh makah min se kasi ny daryaft kiya, "aye abdalmutalab! Kiya aap ny apane pote ka koi naam bhi rakha hay"?  Hazrat abdalmutalab ny farmaya:  "Han min ny is ka naam "MUHAMMAD" ﷺ rakha hey".

Yeh naam sun kar quresh makah ny bohat taajub ka izhar kiya keh yeh kisa naam hay?!!!  Cunkeh arb ki taarekh min is se pehle kabhi kasi ka naam "muhammad" na rakha gaya tha. Is leye quresh makah ki heert baja thi.

Is par hazrat abdalmutalab ny farmaya: Han min ny is ka naam "muhammad" rakha hey or mujhe zamin w aasman min har taraf is naam ki gonj sunai de rahi hey.

Iss zamana min dastor tha keh shehr ke rausa or  Ashraaf apane sheerkhwar bachon ko atraf ke diyhat or qasbat min bhej dite thy. Yeh rawaj is garz se tha keh bache shehri mahol se door in diyhaton or qasbon ke khallis badvi mahol min parwrish pa kar na sirf khalis arbi zuban sekh sakin or apane andar fasaht w balaghat ka johar peda karsakin balkah wahan chand sal rah kar arbon ki khalis khasosiyat bhi apane laa shaoor min samo sakin.

Shorafa arb ny mudaton is rasm ko mahfooz rakha. Yahan tak keh bano Umiyah  ny dmashq min paya takht qaaim kiya or shahana shan w shokt min kisraa  w qisar ki hamsari ki. Taahum in ke bache hasab mamol sahraon min badviuon ke ghar hi parwarish pate rahe, lican khalifah "Waleed bin abdulmalik"  jab kuch khaas asabab ki wajah se wahan na ja saka or harm shahi min hi pla to is ka natijah ya nikla keh woh arbi ki fasaht w balaghat se muharom hogia or bano umiya min woh wahid khalifah tha jise faseeh w baligh arbi sahi tarah se bolnaa nihen aati thi.

Ghrz is dastor mazkorah ki khaatir atraf ke diyahat w qasbat se aurtin saal min do martabah shehron ka rukh karti then, jahan shahr ke shurafa or rausa apane bache un ke hawale kar dite or sath min maawazah ke tur par un aurton ko itna kuch ropiya pesah mil jata keh un ki zandgi bhi aaram se guzarti.

Esi dastor ke mowafiq aanhazrat ﷺ ki pedaish mubarkah ke chand roz bad qabelah bano Hawazin ki chand aurtin sheerkhwar bachon ki talash min makah aien. In min se ek hazrat halimah sadiya razi Allah anaha bhi then. Itafaq se baqi sab aurtin to bache haasil karne min kamiyab rahin magar hazrat halimah sadiya razi Allah anaha bawjoh bachah haasil karne min naakam rahin. Ab woh kiyon naakam rahin or phar kise aap ﷺ tak pohchin, is ke matalq kutab taarekh min hazrat Halimah sadiya razi Allah anaha ki zabani biyan kaye gaye nihyt hi dilchasp waqaat ka zikar kiya geya hey.

Halimah sadiya ki makkah Aamed. (Qist.  25)

Hazrat halimah sadiya razi Allah anha Aapni chand hum qabelah aurton ke sath makah ward huwen. Woh kesy aap ﷺ tak pohchin, is qist min hazrat halimah sadiya razi Allah anha ki zabani woh sab dilchasp waqiat biyan kaye jayen  gey.

Ibn Ishaq, Jaham bin abi jaham ki rawayat se hazrat abdallah bin jafar bin abootalib razi Allah anhu ki batin biyan karte hen keh inhen hazrat Halimah sadiya razi Allah anaha ny khud yeh sara waqia sunaya.

Hazrat Halimah sadiya razi Allah anha biyan karti hen keh:

Jab qabelah bani saad (bano hawazin Esi barhe qabelah ka ek zeeli qabelah tha jis se hazrat halimah sadiya razi Allah anha ka taalq tha) mein kisi saal makah min kai bachon ki pedaish ki khabar pohchti thi to bani saad ki aurtin un bachon ko Ujrat par doodh plane ke liye makah ki taraf lapakne lagti then. Phir ek saal Aesa hi huwa keh makah ke mozzaz or shareef khandanon min kai bachon ki pedaish ki khabar mali to bani saad ki das (10) aurtin jin men min bhi shamil thi, apane shohar haaris bin abduluzaa or apane ek sheerkhwar bache ke sath makah ki taraf chalin.  Yeh qaht sali ke din thy or qaht ny kuch baqi na chhorha tha.

Men apani ek safid gadhi par swar thi or hamare pas ek untni bhi thi lican wallah! Is se ek qatrah dudh na nikta tha. Edhar bhok se bachah is qadar balkta tha keh hum raat bhar so nihen sakte thy. Na mere sine min bachah ke liye kuch tha or na untni is ki khurak de sakti thi. Bas hum barish or khushali ki aas lagaye bethy thy.

Men apani gadhi par swar ho kar chali to woh kamazori or duble pan ke sabab itni sust raftar nikli keh pora qaafilah tang aagaya.

Khair ham kisi na kisi tarah dudh pene wale bachon ki talash min makah pohnch gaye. Phir ham min se koi aurt Asi nihen thi jis par rasool  Allah ﷺ ko pesh na kiya gaya ho magar jab Ese bataya jata keh aap ﷺ yatim hen to woh aap ﷺ ko line se enkar kar diti. Chunkeh ham bache ke walid se dad or peshgi ki ummid rakhtey thy.  Hum kahate keh yeh to yatim hey, bhala is ki bewah man or is ke dada kiya de sakte hen!!? Buss yahi wajah thi keh ham aap ﷺ ko lina nihen chahte then. Idhar jtani aurtin mere hamrah i then sab ko koi na koi bachah mil gaya sirf mujh hi ko na mill saka.  Jab wapsi ki bari i to mujhe khali hath jana acha na laga. Min ny apane shohar se kaha. Allah  ki qasm! Mujey acha nihen lagta keh meri sari sahiliyan to bache le kar jain or tanaha min koi bachah laye baghair wapis jaon, Min jakar isi yatim bache ko le liti hon. 

Shohar ny kaha: "Koi harj nihen, mumkan hey Allah isi min hamare liye barkat de".

 Yeh fisalah karke jahan meri sathi aurton ny raat bhar ke laye parao dala tha, min bhi raat guzarne ke liye wahin un ke sath parh gayi.

 Woh sari raat meri aankhon min kat gayi cunkuh na to mere yaa mere shohar ke khane ke liye kach tha or na hi meri gadhi or untni ke laye chara tha. Mera sheerkhwar bachah Abdallah sari raat mere pistan chchorta raha lican chonkeh min khud is raat faqah se thi to meri chhation se dudh kahan se utrta.

Khair woh raat to min ny jise tise jag-jag kaat lee, or subah hote hi wahi yatim bachah line chal di. Yeh bhi khayal tha keh is bache ki man se Itna to peshgi mil hi jay ga keh jis se min apane or apane shohar ke liye khane pene ki koi chies or apane gadhi or untni ke liye chara le sakon gi.

Jab min is bache ko line is ki maan ke pas pohchi to woh majh se barhi khandah peshani se pesh ain or apana bachah majhe dite huwy is ki dudh Plany ki jo raqm majhe di woh bhi meri tawuqho se ziyadah thi. Is ke alawah woh bachah jase min yatim samajh kar mujaburan line aie thi, Itna khoobsurt tha keh min ny apani sari zandgi min is se ziyadah khoobsurt bachah kabhi na dekha tha. Woh jab Humak  kar meri god min aaya or phir mere seeny se laga to mujhe Itna sakon mila keh jis ka biyan karna mushakil hey.

Jab min bache ko le kar apane daire par wapis aie or ise apani aaghosh min rakha to is ny jis qadar chaha donon seene dudh ke sath is par umand parhy or is ny shikam saer hokar piya. Is ke sath is ke bhai ny bhi shikam saer hokar piya, phir donon sogaye, haalankeh is se pehle hum apane bache ke sath so nihen sakte thy. Idhar mere shohar untni dohane gaye to dekha keh is ka than dudh se lbaries hey. Unhon ny itna dudh dohya keh hum donon ny nahayat aasudah ho kar piya or barhe aaram se raat guzari.

Subah hoi to mere shohar nye kaha: Halimah! Allah ki qasm! Tumm ny ek babarkat rooh haasil ki hey.

Maen ny kaha:

Mujhe bhi yahi tawaqqah  hey.

Is ke baad hamara qaafilah rawana huwa. Maen apani Esi khastah haal gadhi par swar hoi or is bache ko bhi apane sath liya lican ab wahi gadhi Allah ki qasm! Pore qaafile ko kat kar is tarah aage nikal gayi keh koi Gadha is ka sath na pakarh saka, yahan tak meri sahiliyan mujh se kahane lagin, Aey abo zuweeb ki beti! are yeh kiya hay? Aakhar yeh tiri wahi gadhi to hey jis par to swar ho kar aie  thi? (Leican ab Itni ties raftar kise)?

Men kehati:  Han-han! Allah ki qasm yeh wahi hey.

Woh kahatin: Is ka yaqeenan koi khaas mamlah hey.

============ ============

Hawalah jaat......👇👇👇

Seert unnabi. Molana shibli noamani.

Seert ulmustafaa. Molana muhammad Edaris kandahlvi.

Alraheeq ulmakhtoom  urdu. Molana Safi-urahmaan Mubarik 

Taarekh iban kaseer (Albadaya walnahaya).