Tazkirah Khandaan nabi karim sallallhu aliyhi wasalm.Seeratunnabi. Qist:15

Tazkirah Khandaan nabi karim sallallhu aliyhi wasalm.Seeratunnabi (Qist:15, 16)

(hissa Awal)

Nabi karim ﷺ ka khanwadah apane jaddy Aala "Hashim bin abd manaf" ki nisbat se Khandan  hashmi ke naam se marof hay. Munasab malom hota hay keh Khandan nabi karim ﷺ ke baz naam war afrad ke mukhtasr haalat pesh kar diye jain.

1. Qusi bin kilab.....

 Qusi bin kilab Aap ﷺ se panch pusht pehle ke buzurg hen. Dar asil ye hi Qusi bin Kilab hen janhon ny na sirf bano khuza'a se khana kaabah ki tawliyat ka haq waps liya balkah apani qaum Bani Ismail or qabely bani Quresh ko munazm w mutehd kar ke makah ko ek baqaidah ryasti shahr ki shakl di. Khana kaabah ki towliyat ek Esa sharf tha jis ki wajah se Qusi bin Kilab or in ki aal olad ko na sirf makah balkah pore jazirah nama arb min ek khsusi siyadat or izzat w ahtaram ka darjah haasil hogia or Qusai bin kilab ny khud ko is ka ahil saabat bhi kiya. 

Qusi bin kilab ko bila mubaligah  Makah ki shehri ryast ka mutalaq alanan badsha ka darjah haasil  thaa. Unhon ney na  sirf khana kaabah gira kar naye sire se is ki ta'amer kari balkah pehli dafa is par kajhor ke paton se chht bhi dali. Is ke alawah khana kaabah ke jumlah antezam ka jaizah le kar is min zarori Islahat bhi kin...... 

Dosari taraf khana kaabah ke pas hi ek amart taamer kari jase "Darunnadwh" ka naam diya giyaa. Yahan bano ismail or makah ke dosare Qabile ke sardaron or amaidin ke sath milkar mukhtalf amor ke mutalq bahas w tamahees ke bad fisale kiye jaty.

 Quresh jab koi jalsah yaa jang ki tyari karte to isi amart min karty. Qafily yahin se tyar ho kar bahar jaty. Nikah or degar taqribat ke marasm bhi yahin ada hote. Is ke alawah mukhtalf ryasti amor nabatane ke liye 6 mukhtalf shobe qaim kaye or in ka Intezam apane beton min taqsim kardiya jise un  ki wafat ke bad un ke poton ny bahami Ifaham w tafaheem se  6 shabon se barha kar Das 10 shabon min taqsim karke aaps min bant liya.  

2. Hazart Hashim bin Abdmanaf: 

Hazrat hashim bin abd manaf qusi bin kilab ke pote thy. Jab abd manaf or bano abd aldar ke darmiyan ahdon ki taqsim par masalhat hogayi to abdmanaf ki olad min hazrat hashim hi ko "saqaya" or "Rafadah" yani hajaj karam ko pani plane or un ki mezbani karne ka mansab haasil hawa.

 Hazrat Hashim bary maldar or nahayat hi jalilul qadar buzurg thy. In ka asil naam amarw tha. Chonkah in ke zimmah haajion ke khane pene ka antezam bhi tha to woh un zaairin ki tawazo ek khaas qisam ke arbi khane se karte jisye "Hasham" kaha jata tha.(Arbi zuban min Hasham' Shorbah min rotyan choora karne ko kahate hen.) 

Makah min ek sal qaht para to unhon ny tamam ahil makah ke leye yahi shorbah tyar karaya jas par unhen "Hashim" ka lqab mila. Or taarekh ny phir Inhen Esi Laqab se yaad rakha. Un ki olad Quresh ke muazez  tarin qabelah bano hashim ke naam se mashahoor hay. 

Unhon ny Quresh ke tajarti qaafile shuro karwaye or in ke liye bazinateeni saltnat ke sath moahidy kaye jin ke Tahat Quresh bazinateeni salnat ke taht aane wale mamalk min baghair mehsul ada kaye tajart kar sakte thy, or tajarti qaafile le ja sakte thy. Yahi moahide woh Habashah ke badsha ke sath bhi karne min kamiyab huvay, jis ka tamam Quresh ko be antaha faidah hawa or un ke qaafile Sham, Habashah, Turki or Yaman min jane lage. 

Aik bar tajart ki garz se sham gaye. Duran safar yasarb (jas ka naam bad min madina yaa madinat alrasol ﷺ hawa) min tehry.

 Wahan qabelah bani najar ki ek khaton "salma bint amarw" se shadi karli or kach din wahin tehre rahe.  Phir bevi ko haalt hamil min meke hi min chhor kar mulk sham rawana hogaye.

 Ghalban  in ka Eradah tha kah wapsi par un ko madina se makah le jain ge magar shadi se chand  mah bad duran safar hi in ka intaqal filsateen ke alaqe gazah min ho gaya. ========================

Seertunabi. Molana Shibli nomani.

 Seert ulmustafa. Molana Muhammad Idaris kandahlvi. 

Arraheeq ulmakhtom urdu. Molana Safi u rahman Mubarkapor.

=========================

Seertunnabi ﷺ : (Qist nambr: 16)   Nabi karim sallallahu aliyhi  wasalm  ka Khandaan.(Hissa dom)

3. Hazrat Abd almutalab

Pichali qist min hazrat Hashim ke safar sham, yasarb (madina) min nakah or phar filsateen min wafat ka zikar kiya gaya, un ki wafat ke bad 497  min un ki zojah salma se ek beta peda hawa.

Chonkah bache ke sar ke balon min safidi thi is laye janabah salma ny is ka naam "Shaebah" rakha or yasarb (madina) min apane meke hi ke andar is ki parwersh ki. Aage chal kar yahi bachah "Abd almutalab" ke naam se mashahur hawa. Arse tak khandan hashim ke kisi Aadami ko is ke wajud ka Elam na hoska.

Saqaya or rifadah ka mansab Hashim ke bad in ke bhai mutalab ko mila. Yeh  bhi apani qaum min bari khubi w  Ezaz ke malik thy. In ki sakhawt ke sabab Quresh ny in ka lqab "fiyaz" rakh chhora tha.

Jab Shaebah ya'ani Abdalmutalab 7 yaa 8 bars ke hogaye to mutalab ko in ka elam hawa or woh inhen line ke laye rawana huvay. Jab yasarb ke qarib pohche or shaebah par nazar pari to ashak baar ho gaye. Enhen sine se laga liya or phir apani swari par patchhe batha kar makah ke laye rawana hogaye magar Shaebah ny maan ki Ijazat ke baghair sath jane se inkar kardiya.Is leye Mutalab in ki maan se ijazat ke taalib huvay. Aakhar maan ny ijazt de di or mutalab inhen apane Ount par bitha kar makah le aaye.

Makkah walon ny dekha to kaha "yeh Abdulmutab hay" ya'ani mutalab ka ghulam hay. Mutalab ny kaha "Nihen-nihen __ Yeh mera bhatija ya'ani mere bhai Hashim ka Betaa hay".

Phir Shaebah ny mutalab ke pas parwersh pai or jawan huvay. Makkah aane ke kach arsah bad hi mutalab bin abd manaf ki wafat yaman ke safar min ho gayi to in ke chhore huvay manaasb Abdalmutalab ko haasil huvay. Sardari or Kaabah ke zaairin ki khidmat par, jo mutalab bin abd manaf ny hazrat abd almutalab ke superd ki thi, naufl bin abd manaf ny qabzah karna chaha.

Hazrat Abd almutalab ny quresh ki madad talab ki magar shanwai na hoi. Is ke bad Hazrat Abd almutalab ny Apane mamon Abo sad (in ka taalq bano najar se tha) ki madad talab ki jo 80 ghurh swaron ke sath in ki madad ke laye aaye.

Unhon ny Nofal bin abd manaf se kaha keh "Aye nofal! Agar to ny Abd almutalab se chhina jane wala haq inhen waps na kiya to min talwar se tamahari gardan Uraa don ga."

Is par Nufal ny in ki bat man lee. Is bat par Quresh ke Muazy zeen ko gawah banaya gia magar jab Hazrat abd ulmutalab ke mamon waps madina chale gaye to Noufal bin Abd manaf ny  Abd shams bin Abd manaf (bano Umiya in ki nasl se hen) or is ki olad ke sath ek muahidah kiya or Hazrat abd almutalab ke khilaf Tahrik sharo ki.

 Bano khuza'a ny banllllhashim ka sath diya or biyat ulnnadwah  min Bano Hashim se in ka sath dine ka ahd kiya. Is tarah quresh ki sardari Hazratll Abdulmutalab ke pas hi rahi.

Hazrat abdalmutalab ny apani qaum min is qadar sharf w ezaaz haasil kiya keh in ke Aabao ajidad min bhi koi is muqam ko na pohnch sake thy. Qoum ny unhen Dil se chaha or in ki barii Izzaat w qadar ki.

4. Hazrat Abdallah. (Rasool Allah sallallahu aliyhi wasalm ke walid mohtarm) 

Hazrat Abdalmutalab ke kull  10 Betay or 6 betiyan then,  jin ke naam yeh hen. Haaris, Zuber, Abutalib, Abd ul Allah,

 Hmzah (Razi Allahu anhu), Abulaheb, Ghidaaq, Maqum, Safaar or Abbas (Razi Allahu anhu) Umm-ul-hakeem (in ka naam bayzaa hey) Barrah, Aatikah, Arvaa, Amimah or Safiya (razi Allah anaha). Hazrat Abdullah ki walidah ka naam fatmah tha or woh Amarw  bin Ayez bin Imaran bin mukhazoom bin yaqzah bin Murrah ki sahbzadi then.

 Abdalmutalab ki olad min Abdallah sab se ziyadah khoobsurt, pak daman or chahite thy, or Zabeeh kahalate they. Zabeeh kahalane ki wajah yeh thi keh Hazrat Abdalmutalab ko bohat khwahish thi keh woh kaseer olad wale hon, Chananchah unhon ny mannat mani keh Agar Allah in ko dass betay ata kare ga or woh sab naujawani ki Omar tak pohch gaye to woh apana ek beta Allah ki raah min Qurban kar dinge.

 Allah ny in ki dua ko sharf qaboliyat bakhsha or in ke Dass betay peda huvay. Dass beton ki pedaish ke bad jab tamam ke tamam naujawani ki Omar ko pohche to Hazrat Abdalmutalab ko apani mant yaad ie. Chananchah woh Apane sab beton ko le kr harm kaabah min pohnch gaye. Jab arbon k mukhsus tariqe se Qura'a andazi ki gayi to Quara Hazrat Abdullah ke naam nikala.

Chananchah Hazrat Abdalmutalab Hazrat Abdallah ko lekar Qurban gah ki taraf barhey.  Yeh dekh kar khandan bano hashim ke afrad jin ko Hazrat Abdullah se bohat lagao tha, bahat pareshan Hovey. Woh Hzrat Abdalmutalab ke pas  Aay or Inhen is silsale min yasarb (madina) ki ek kahina aurt se mashwerah karne ko kaha. Chananchah jab is kahina aurt se raabtah kiya gaya to is ny is ka hal ya nikala keh Hazrat Abdullah ki jagah khoon baha adaa kiya  jay. 

Arbon ki diyat (khoon baha) min 10 Ount diye jate hen to hazrat Abdullah ke sath das-das unton ki qura andazi ki jay or yeh  qura andazi tab tak jari rakhi jay jab tak qurbani ka qura unton ke naam nihen niklta. Chunanchah Ayse hi kiya gaya or bilAakhar Daswen bar qura Hazrat Abdullah ke bajay Ounton par niklaa. Is tarah in ki jagah 100   Ounton ko Qurban kiya gaya.

 Hazrat Abdullah ki shadi hazrat Aamina se hoi jo wahab bin Abd manaf bin zohrah bin kalab ki sahibzadi then or nasab w rutabe ke lahaz se quresh ki afzal tarin khaton shumar hoti then. In ke walid nasab or sharf donon heesiyat se bano zohrah ke sardar thy. Woh Makkah hi min rukhast ho kar Hazrat Abdullah ke pas Aayin magar thory arsy bad Hazrat Abdullah ko Hazrat Abdalmutalab ny khajur laane ke laye madina bheja or woh wahin Wafaat paa gaye.

 Ba'az Ahil Seyar kahate hen keh woh tijaart ke laye mulk shaam tashareef le gaye thy. Quresh ke ek qaafile ke hamrah waps aate huvay bemar ho kar madina utre or wahin intaqal kar gaye. Tadafin naabgah ja'adi ke makan min hoi.Is waqat un ki Omar pachis bars ki thi. Aksar maurukhain ke baqol abhi rasool Allah sallallahu aliyhi  wasalm peda nihen huvay thy. Albatah baz ahil seyar kahate hen keh aap sallahu aliyhi  wasalm ki pedaish in ki wafat se do mah pehle hochaki thi. ============  

Seertunabi. Molana Shibli Nomani.          

Taarekh iban kaseer (Albadaya walnahaya).

Tarekh Islam (urdu) Akbar shah khan Najeeb Abadi.