Syidena Ameer Moavia ka paet na bhare??? E. Muhammad Ali Mirzah ka is hadis se batil istadilal or is ka Tahqeeqi jaizah.

Syidena Ameer Moavia ka paet na bhare??? E. Muhammad Ali Mirzah  ka is hadis se batil istadilal or is ka Tahqeeqi jaizah. 

"Rewayat": Aek din nabi karim ﷺ ny syedaina Eban Abbas ko kaha keh jao Ameer Moavia ko bula kar laao. Woh gaye, Dekha syidina Ameer Moavia khana kha rahe thy, phir bheja, dekha, woh Ab b khana kha rahe they. Is par nabi karim ﷺ ney dua dite huvay kaha: Allah Moavia ka paet na bhare.

(Sahi Muslm. 6628)

👉 Riwayat min kahin nihen likha keh syedana Eban Abbas ney syedina Ameer moavia ko nabi karim ﷺ ka pegham diya ho or unhon ney aane se inkar yaa khana khane min dhatai dikhai ho. Jab un tak nabi karim ﷺ ka pegham hi nihen pohncha to is riwayat ko batur sadat hi liya ja sakta hey, naa keh batur ndamat!!! ️

Nabi karim ﷺ ney farmaya keh: Main bhi bashar hon or agar main kisi muslman ko badua don to ise in panch duaun min tabadil kar de.

1. Is ke liye ajar ka zaria bana dey. 

2. Is ke liye rahmat bana dey.

3. Is ke liye tazkiya nafs ka sabab bana dey.

4. Ghanahon ki mafi ka zaria bana dey.

5. Roz qayamat is insan ko apana qurab ata farma dey.

(Sahi muslim 6614 --- 6627) 

👉 Rawayat min mojud nabi karim ﷺ ka kehna keh Ameer moavia ka paet na bhare, badua nihen balkeh nabi karim ﷺ ka izhar muhabbat hey, yehi Andaz aap ﷺ ney kai akaabir Ashab or Azwaj mutahrat ke laye bhi apanaya, keh tira naak khak aalud ho, tirey hath sokh jain, Allah ise ghart kare waghairah- waghairah.

Is ki ek taavel yeh bhi ho sakti hey keh jisa tum khana kha rahe ho, aesy tarah aap ka paet kabhi bhi ilam w hikmat se seer na ho. 

Jis ki wzahet iban Abbas sey  "bukhari 3765" min faqih jise lafiz ko syedina Ameer moavia ke liye adaa kar ke kar di.

 Or kha keh hum se ab koi bhi syidena Ameer Moavia se barha Aalim nihen.  (Musnnaf Abdulrazaq 4641)

🔸Qaabel ghor bat yahan yeh bhi hey keh is Hadis ke alfaz par ghor karin to nabi karim ﷺ ke kehane ka matlab yahi hey keh Ameer Moavia ke rizaq min Allah barkat ata farmaye. Chunkeh is se pehle aap mufls insan they, yeh dua hi saabat hoi keh syidena Ameer Moavia ko Allah ney Amart w khalaft bhi ata ki or ghani bhi kiya, or itna maal ata kiya keh kai bar aap ney jannt ke naujawanon ke sardaron ko pas bulwa kar kai-kai laakh ataa farmaye. (Musnaf abi sheebah: 31200) 

Esi tarah ek rawayat hey keh aap aik dafa nabi karim ﷺ ke patchhe swari par bethe huvay they. aap ney irshad farmaya keh:

"Moavia tumahare jism ka kon sa hissa mere qarib tar hey"? 

Tao syidena Ameer Moavia ney kaha mera paet aap ﷺ ke nazdek hey. Tao is waqat nabi karim ﷺ ney farmaya:

Aye Allah!! Esy ilam w hilam se bhar dey.

 (Taarekh kaber, Imam bukhari safh 180. Jild 4. Qisam Wahshi bin harb) (Taarekh ulislam Lizzhabi. Safah 319, jild 2. Taht Moavia)

▪️  Imam Nuwavi is Hadis ki sharah min likhte hen keh baaz Muhaddiseen ney is riwayat ko manaqb syidena Ameer Moavia min naqal kiya hey, or imam muslim bhi is rewayat se yeh samgte hen keh Ameer Moavia badua ke ahil na they, Eisi liye woh 13 ahadis biyan karne ke bad is rawayat ko le kar aaye hen.

Allamah Albani ney is hadis ke taht silsalah saheeha min likha keh baaz log is hadis ko le kar taan karte hen, jab keh yeh in ki dalil nihen banti. Is rewayat min to yeh hey keh woh nabi karim ﷺ ke katib they.  (Silsalah saheeha. Arbi Rakham: 82)

➖ Allamah Eban Asakar ney yahan tak likh diya keh yeh Ameer Moavia ke fazail min behtarin rawayat hey. 

📖 Enjinior Muhammad Ali kehata hey keh "Badua hi to lagi hey, Esi liye in ka paet nihen bhara tha".

Mazid kahata keh: "Hona to yeh chahye tha keh inhen khana khane ki zarort hi na parti".

Nabi karim ﷺ kiya khud khana nihen  khate thy??? Kiya aap ke pas moujazat they to kiya nabi karim ﷺ apney Moujazat se istafadah lite huvay apani bhok ko khtam kar lite they??

Yeh min ney Teri (Enjinior M.Ali Mirza ki)be tuki bat ki tawel ki hey. Agar bat yahi hey to kon se sahabi se marvi hey keh syidena Ameer Moavia bohat ziyadah khana khate they, phir bhi paet nihen bharta tha?? Kha- kha kar antariyan phol jatin. Ese min koi to sahi riwayat sahabah se manqol ho gi keh Syidena Ameer Moavia ko nabi karim ﷺ ki badua lag gayi hey, Ameer Moavia Allah se tobah karte they, Chunkeh Allah kehata hey keh jab bhi insan mushakil min hota hey woh sab se pehle tobah taaib ki taraf raaghib hota lambi chori duain karta hey. (Matan Surah Youns 22)

🔹Sayidena Iban Abbas ney ja kar pegham nabovi nihen sunaya tha to Aap is ko kesy Saza  samajh rahe ho? Agar man bhi lon keh yeh Naafrmani hi ki saza hey to itni mamoli si ghalati par itni barhi saza??? Jab keh nabi karim ﷺ ney to farmaya keh mujhe badua dine wala nihen, balkeh Rahmat dine wala bana kar bheja gaya hey. (Sahi muslim. 6613)

Or Quran kehta hey Aye Muhammad ﷺ !!! Aap in par darogah nihen. (Alghashiya: 22)

➖ Aap khana kha rahe thy, jab keh Allah ka hukam yani Namaz bhi ho to pehle khana mukmal karne ka hukam diya gaya hey. (Bukhari 673, Muslim 1244, Mishkat 1056) 

Jab keh nabi karim ﷺ ney farmaya keh khana samane ho to namaz bhi nihen. (Muslim. 1246)

▪️ Yeh Lo janaab!!!! Phir fazilat saabit ho gayi keh Syidena Ameer Moavia ney to Quran w sunnt ki pervi hi ki hey. (Allah ka hukam) Namaz, khana samane ho to nihen hoti to Rasool Allah ﷺ ka hukam jo unhon ney suna bhi nihen kise man lon keh naafrmani ki hey? Agar Mirza sahb!!! Aap ki anjinioring or man many jugarh se hi istadilal karna hey to nabi karim ﷺ ney Syidana Ali ko ek martabah gussay min kutt Hujjat or jhagralo kaha tha. Jab unhon ney man mani Agey se taavel kar dali thi. Jis par nabi karim ﷺ sakhat naaraz or gussay huvay.

Is Hadis ki sharah min kai muhaddiseen ney yahi likha keh Syidena Ali ney naa munasab taavel kar ke Rasool rahmat ﷺ ko naaraz kar diya tha. Haalankeh inhen khamosh rehna chahiye tha. (Sahi muslim 1818, Bukhari 1127)

🔹 Ab aap ke farmola ko koi naasbi Uthaye or khey  keh Syidena Ali ko nabi karim ﷺ ki badua lag gayi thi, Esi liye aap maazallah jhagralo ho gaye they, Esi leye jangin safin w jamal min apane hi muslman bhai or Rasool Allah ﷺ ke sahabi Unhon ney gaajr moli ki tarah kat dale!!!?  To mirza sahib aap kiya ise naasbi- naasbi kehah kar khamosh karwain ge yaa ise yahi kahin ge keh yeh bat Syidena Ali ke laye fazilt ka sabab hey?!!!  Haalankeh sydina Ameer Moavia ki rawayat min in ka koi manfi, musbat jawab yaa is hadis min koi taavel in ki janib se nihen milti, magar dana ali ki wazh taavel mojud hay. Magar hamara aqeedah hey keh ya dua un ke laye rahmat alahi ban gayi.

🔹 Jab keh aap Mirza sahib kehate keh nabi karim ﷺ ney farmaya tha keh aye Allah!! Jo meri badua ka haqdar na ho ise ya fazail nasinab karna. Haalankeh yeh aap Enjiniare sahib ki apani taraf se waza kardah riwayat hey keh jo ahil ho yaa na ho. Chunkeh Ahadis min tahrifat karne min aap se barha cheampion Ummat Muslimah min na koi tha, naa hey or naa ho ga. Or aap is ezaz ko sada bahar apane pas hi rakhen ge. 

👉 Sahi bat to yeh hey keh muslim ki ahadis {6613 -- 6628} min kahin yeh nihen likha keh jo is ka ahil na ho ise rahmat Elahi ka hasul banana. Aap ka farmola aplayi karin to aap ke mutabiq dekhen to yeh syidana Ali ke liye badua hey. or seffin w jamal is ki haqeeqat banti phir!!! Chnkeh syedena Ali ney to taavel kar dali thi.

📮 Mirza sahb! Aap apani man gharht tahrifat apane pas rakhen, Aap yeh kehate hen keh jo Ahil na ho is ke liye badua ko rahmat alahi ka sabab bana diya jata hey. Min Mirza sahib or in ke andhe muqaledeen se pochhta hon; -- 

👉Agar woh donon (Muslim 6614 min do aadamiyon par nabi karim ﷺ gussay huvay or bora bhala kaha) ahil hi nihen to rasool Allah ﷺ ny badua di kiyon??? 

👉 Kiya aap ziyadati karne wale they?? 

👉 Kiya aap muslmanon yauni sahabah kiram par darogah thy?? 

👉 Kiya nabi karim ﷺ apane ashab se ese pesh aaya karte thy??  

👉Kiya Rasool Allah ﷺ mamoli se bat par itni bari saza diya karte thy??

 👉 Kiya nabi karim ﷺ ney syidena Ali ki man mani taavel par inhen chand alfaz keh kar khamosh, jab keh syidena Ameer mavia ki baat na sunane ( jo un tak gayi bhi nihen ) ki itni bari saza di. 

👉Agar ise badua samjon to aap se swal hey keh nabi karim ﷺ ney taaif ke logon se pathar, ta'ane , galiyan kha kar bhi unhen badua nihen di to apane ummati ko mamoli si bat (woh aap ki Enjinioring) par Itni barhi bat keh di?? 

👉 Imam muslim is Hadis ko is bab ke taht kiyon laaye keh jo is badua ka ahil na ho?? 

👉 Aap ke siyasi mukhalfin yani shiaan Ali wa ahilibiyat or Iban Abbas ney kabhi is bat ko le kar in par tanqeed kiyon nihen ki?? 

Kiya aap jahalvi, mududi, mirzai Sehaabah karam se ziyadah ahadis ko samajh lite hen?? 

👉 Sahabah karam ney ise dua ke tur par liya yaa badua ke tur par, keh dekho Ameer Moavia ka paet barh giya, inhen nabi karim ﷺ ki badua hey?

 👉 Ayse milte julte do mamilaat hen par nabi karim ﷺ kiya maazallah be insaf hen keh apane khuni rishtah dar ko mamoli bat (woh bhi brahy raast nihen insan keh kar maslm 1818) jab keh susrali rishtah dar or katib wahi Syidena Ameer Moavia ko lambi nihen, taahyat badua???

🔸In swalat ke jawabat aap qiyamat ki fajar tak nihen de sakte. Mirza sahib hosh ke naakhun lin, Aap bughaz Ameer Moavia min rasool Allah ﷺ ki wazih gustakhi kar rahe hen. Aap nabi karim ﷺ ko apane man mane jugarh se be insaf, darogah, gussay wale, mamoli baton par pakarh karne wale sabit kar rahe hen, yaqeen nihen to apane gumrah adat w khasail par ghor w fikar ki batti gul karin. 

Or aap ki hi bat ab min aap par fit karta hon yeh bat bilkul roz rotion ki tarah wazeh hey keh jo badbakht, laeen, kazab, khain Syidena Ameer Moavia ke bughaz min in ki tanqees kare ga woh Allah or Rasool donon ka gustakh zaror ho ga jise ke aap.!!!

➖ Sahi muslim 6614  min wazaht se mojud hey keh nabi karim ﷺ ney 2 aadamiyon ko badua di or woh is ke ahil bhi thy, cunkeh baqol Ammi jan Ayishah sadiqah ke unhon ney koi esi bat ki thi jis se Aap ko gussa aaya or Aap  ney naaraz ho kar unko badua de di, or Amman jan ke puchne par kaha aye Ayishah!!! Tumahin nihen malom ke min ney allah se dua kar rakhi hey keh min jis muslman ko badua don to is ke liye ganahon se pakizgi or hasul ajr ka zaria bana de.

 ➖ Or muslim 6615 min hey keh nabi karim ﷺ ney un donon ashkhaas se alihdagi min molaqat ki thi or bhora bhala keh kar bahir nikal diya tha, to kiya Mirza Rafzi sahib! nabi karim ﷺ ney ziyadati ki in se keh aap ke matabiq jo ahil na ho woh inaamat ka mastehq hota?? Unhon ney zaror esa kuch kaha ho ga jo nabi karim ﷺ  ko bhi ghamgin or Odas kar giya.

Mera mirza jehalmi ke muqalydeen se swal hey keh kiya Elmi kitabi ka libl sairf mushajrat sahabah ke liye hey yaa amalan? 

🔹 Aap ki manin to Syidena Ali or rasool Allah ﷺ donon ki tohin hoti hey or Syedana Ameer Moavia sahabi rasool, katbin wahi, khal-ul-momanin ki bhi tohin hoti hey.

Or Agar hadis par ghor karon to kisi bhi sahabi ki tohin nihen balkeh fazail hi saabat hote hen. Or yeh bhi btain keh imam muslim ney yeh hadis rahmat Elahi wali ahadis hi ke bad kiyon naql Kie???

 Jab aap rafaulyadin ke barhaq hone (Rafaulyadin barhaq hay alhamd) ki bat karte hen to jahil muqalid ki yeh bat kiyon rd karte hen keh shareer ghoron ki dumon wali hadis bab salam min hey, ruku min jate or sar uthate huvay rafa ulyadin ke bab min nihen??? 

Jis tarah aap ka wahan moqaf hey keh yeh is bab se hati hoi bat hey to sahabi rasool ki tohin ke liye is sahi farmole ko kiyon bhol jate ho, or jis bab ke taht bat hoi ise kiyon nihen mante???

Kiyon apani or apane perokaron ki zandgion ko barbad karne par tule huvay ho? Tum un ke khair khwah ho yaa un ke dushman??? Ilemi kitabi nihen, aap elmi fasadi hen. Maaf karna min mujabur hon aap ke gumrah kun aqaid par Aap ko ese alqaabat se nawazine par!!!

♦ ️Kiya Sydena Ameer Moavia ka paet barh gayia tha??? 

 Mirza sahib musnaf abi sheebah ki mandarjah zeel hadis pesh karte hen jo yeh hey: Hddasna jarir, an Moghairata , an al-shabi, Qaal Awwalu man khatba jalisaan Moavita heena kabura, wa ksura shahumah wa azum batnahu. 

Hzrat sha'abi farmate hen keh sab se pehle beth kar khutbah syidena Ameer Muavia ney arshad farmaya. Lican yeh is waqat huwa jab woh borhe hogaye thy, jism farbah or paet bath gaya tha.(Musnaf abi shaebah. 36885) 

📖 Mirza sahib kidhar gaya Elmi kitabi wala states??? Aap hi logon ko yeh Asul hadis ka asul samjate hen keh Mudalls ki an wali riwayat zayaif or naa qabl qabol hoti hey, to ab kiya huwa??

 Kiya aap bughaz Ameer Moavia min itny andhye ho jain ge keh in ki tanqees min aane wali rawafiz or sabion ki waza kardah riwayat bhi aap Aankhen band kr ke men w an maan lein ge or  "Sahi ulbukhari 2800, 2924" min wazih un ki jannat ki bashart or wajib jannat wali ahadis ko aap gol kar jate hen, yeh kidhar ka asul hey??? 

Yeh kahan ka Insaf w Adal hey??? Allah ney bhi kiya khub kaha tha keh kisi qaum ki dushmani tumahin adal se na roke. (almaidah 8)

📮  Rewayat ka jaizah or is par zo'af ka Hukam; -- 

Yeh riwayat raavi Mughirah bin muqsam alzabi alkofi ke mudalis hone ki wajah se sakht zayef hey, or Sanad min Aam insan bhi yeh dekh sakta hey keh Mughirah "Aan" se riwayat kar rahe hen, mudalis ki sama'a  ki tasrih ke baghair seegah "Aan" wali rewayat za'ayf hoti hen.

Or aap hi to kehate hen keh zaayif ahadis ney Mughalte min Ummat ko dal rakha hey, haalan keh aap hi ney apane (tahrifat, jhoot, kitaman haq or zaayif ahadis or riwayat se bhary) pomflet waqia karbala ka haqeeqi pase manazr ke har safh ke aaghaz min likha hey keh zaayif ahadis or rewayat se hat kar ilmi katabi (farmole ke dhong min phansane wale logon ke liye barbadi ka manjan).

📖 Imam iban Hajar asqalani ise apani taalif  "Taarif Ahle Ttaqdees"  yani tabaqat ulmudalisin min  raavi nambr 107 or safh nambr 46  min Mughirah bin muqsam alzabi alkofi ko tisre tabaqah ka mudalis qarar diya hey.

Is ke alawah imam Nisai ney bhi is ke mudalis hone ki tasdiq ki hey. Isi tarah muhaddis ul-asr Haafiz zubair Ali zai ney bhi mughirah bin muqsam alzabi alkofi ko mudalis qarar diya hey. (Alfath-ul-mubin fi tehqeeq tabaqate lmudaliseen Safah, 126)

➖ Or sab se barh kar yeh baat hey keh Aap ke nazdeek to mudalis har qism ka zayif hey to phir is riwayat se istadlal kiyon?

Yeh siraf Tumhare Zihan ka Ikhtra hey bass, Mirza sahib! Yaa to Aap is rewayat se istadlal apani Jahalt ki wajah se karte hen yaa aap ko malom hi nihen keh Mughirah alkofi mudalis raavi hey. Yaa phir aap bughaz Ameer muvia min is had tak aage barh gaye hen keh mudalis ki "Aan" wali zayif or man gharht rewayat ko bhi aap qaabl hujat samjte hen. Allah aap ko hidayat dey, agar aap ke muqdar min lakhi hoi hey to, nihen to hum dua hi kar sakte hen keh Allah aap ko hidayat bhi de or raafziyat se nikaal kar muhabbat sahabah ki dolt se bhi sarshar or malamal kare aamin. 

📒  Farbah paet or marzai ta'an.

Acha to agar paet farbah hona Ellat hey jo keh kisi sahi sanad se saabit bhi nihen to nabi karim ﷺ ke bare kiya kehana chahen ge mirza sahib?? 

Ammi jaan Ayishah sadiqah taahirah salam u Allah aliyha farmatin  hen keh nabi karim ﷺ ney namaz beth kar ada ki jabakeh aap ka burhapay min jism farbah ho chuka tha. (Sahi muslim 1739)

🔸 Lo phir Syidina Ameer Moavia ki fazilat saabit ho gayi keh burhapay min paet ka farbah hona rasool Allah ﷺ ki sunnt hey.  Mirza sahib aap ab kia kaho gay ???!

jahan aap Syidena Ameer Moavia ki Ellat nikalte ho wahin fazilt saabit ho jati hey, or aap or aap ke andhe muqalideen lanton ke haqdar ban jate. Ise bhi min Syidena Ameer Moavia ki karamat hi khon gaa!!! 

♦ ️Ameer Moavia ka beth kar khutbah dina?

Syidena Ameer Moavia ko yeh mann gharht ja'ali Riwayat le kar ta'an kiya jata  hey keh Unhon ney sab se pehle beth kar khutbah diya tha. Chunkeh In ka paet barh gayia tha. Aysi bat bilkul bhi nihen hey, woh is liye keh aap ke bare ek riwayat kamazor sand ke sath milti hey keh aap ney ek dafa paon min takleef ki wajah se beth kar juma ka khutbah diya tha.  (Sunan ulkubra Lilbiyhaqi, Safah 197, Jilad 3 kitab uljuma qaaiman) 

🔹 Is se saabit hota hey keh agar unhon ney kabhi beth kar khutbah diya bhi tha to sahabah kiram ki mojudgi min yeh Ellat awamunnaas par ayan thi keh aap ko paon min takleef thi, Or koi bat nihen. Or maze ki bat is ko sahabah kiram ney qabool bhi kar liya tha!!! Isi liye koi riwayat nihen milti keh kisi sahabi yaa taabei ney in par is bat ko le kar koi ta'an kiya ho. Wese bhi nabi karim ﷺ ney kisi zauf ki bina par beth, leat kar namaz parhane ka hukam bhi diya huwa hey. Balkeh khud  Rasool Allah ney Sayidena Abubkar sadiq Razi AllahuAnhu  ke sath namaz beth kar ada ki jabakah aap bemari ki haalt min they. (Jamey altirmazi 362)

🔹 Is ke bar akas sunan Nisai w muslim ki ek riwayat min ek waqia is tarah naqal kiya gayia hey keh ka'ab bin Ojrah kehate hen keh woh masjid min dakhil huvay or Abdulrahman bin Ummulhakam beth kar khutbah de rahe they to unhon ney kaha keh logo!! is ki taraf dekho ya beth kar khutbah de raha hey. (Sunan nasai 1398, muslim. 862)

🔸 Yeh rewayat wazih saabat karti hey keh yeh kaam sab se pehle Abdulrahman bin Ummulhakam se sarzd havva. Dosara Sahabah karam ney is se Ekhtalaf bhi kiya or is kam ko zuban se roka bhi agar Syidena Ameer Moavia ney yeh kam kisi zauf ke baghair kiya hota to Sahabah kiram ki janb se un ki sarzansh zaror ki jati!! 

🔖 Aakhari guzarish: 

Mirza sahib!! Aap Jitana marzi zor laga lin, aap bughaz Ameer Moavia min kuch bhi ghalat saabit nihen kar sakte, or jab tak toheed ke mutawale zindah hen aap ki Aesi tarah tazlil hote rahe gi. Aap min Itni akhalaqi jurrat nihen keh aap manhaj salaf salhain ahilhadis ke kisi alim se bahas w mubahasa kar sakin. Wakil sahabah Abu yahya naurpori hfizahu allah ney kitani bar aap ko munazare ka challenj diya magar aap apane bosidah kamare se apane ustad jahalvi ki sunnt par amal pera hote huvay bahir niklnaa gawarah hi nihen karte, yeh hey aap ki Elmi heesiyat. To phir min kiyon naa khon:

 Na ton wabi te na to babi.

 To hey muslim ilmi fasadi.

🖋️ Tahreer: Hafiz Azaan Elahi Rehman  🌸 Mohaddis.com 

🌸 Sunnah.com 

🌸 Islamone 

🌸 Islam360 

🌸 ShamilaUrdu.com 

🌸 Tanzil.net 

🌸 Tafseer Ibn e Kaseer 

🌸 Tafseer Ahsan ul Bayan.