Rasool Allah ke Tijarti safar Sayidah Khadijah sey Shaadi, Olaad,Zaid bin Harisah or beytu Allah ki taamer

Rasool Allah ke Tijarti safar Sayidah Khadijah sey Shaadi, Olaad,Zaid bin Harisah or beytu Allah ki taamer.

(Qist nambr 35, 36) 

 ==========================

Rasool Allah ke Tejarti Safar:

Larakpan min Hazoor ﷺ ka koi moaiyan kam na tha, Albatah yeh khabar mutawatr hey keh Aap bakaryan charate they. Aap ney bani sad ki bakaryan charain or makah min bhi ahil makah ki bakaryan chand qirat ke Ewaz charate they. Jab jawan huvay to aap ﷺ ko hasul moash ki fikar hoi. Makah wadi ghair zi zara min waqia tha. wahan zaraat karne ka to swal hi na tha is liye aap ﷺ ney apane Aabau ajidad ki tarah tijart ka zaria apanaya. Hazor ﷺ ney apane walid ke chhode huvay sarmaya ko tejart min lagaya or un maelon min shairkat ke liye safar bhi kiye. Peshah tejart min aap ney hameshah Amant dari or Diyant ko pesh nazar rakha. 

Aap ﷺ ke ek sathi Abdullah bin Abi Alhamsaa biyan karte hen keh min ney Aap se ek tejarti moahidah kiya lican bat pori tey hone se qabl maujhe ek zarori kam yaad aaya or min ney Aap se kaha keh aap yahin tehrin, min abhi aata hon. Wahan ja kar kaam min Aesa mashghol ho gaya keh mujhe Aap se kiya huwa wa'adah yaad na raha. Itafaqan tin roz bad mera idhar se guzar huwa to min ney dekha keh aap ﷺ wahin intezar kar rahe hen. Main ihsas shirmandgi ke sath aap ki taraf gaya to Aap ney siraf itna farmaya keh Tum ney mujhe zahmat di, Is liye keh min tin din se isi jagah par tamahara muntezar hon.

Zamana jahiliyat min Qayis bin Sayib mukhzumi aap ﷺ ke sath sharik Tijart they. Woh biyan karte hen keh min ney Muhammad ﷺ bin Abdullah se behtar sathi nihen paya. Agar ham aap ka saman tijart le kar jate to wapsi par Aap (S.A.W) hamara istaqbal karte or khair w afiyat pochh kar chale jate. Barkhalaf is ke agar aap (S.A.W) tajarti safar se lout'te to jab tak pai pai be baq na karte apane ghar ko na jate.

Tejart min Aap ki diyant dari or mamlah fahami ki shohrat dur-dur tak phel chuki thi.

Hazrat  Khadijah ki shadiean:

Hazrat khadijah razi Allah anaha Quresh ki dolt mand bewah khaton then jinhen arb ke kai naamwor raeeson ney nikah ka piyam diya tha. In ke walid khuweld bin Asad ney behtarin Tajarti karobar wirisah min chhora tha is liye unhon ney bhi tajart jari rakhi. Apana maale tijart ujrat yaa shirkat par taajron ke hamrah rawana kartin.

Ibtadai Omar min chcha zaad bhai or mashahur esai alim "warqah bin naufil" se mansob then, lican shadi na hoski. 15 Sal ki Omar min in ka pehla nikah Hind bin nabbash se huwa jo Abo Haalah ke naam se mashahur they. In se do bache peda huvay jo bad min Hazur Akarm ﷺ par eman laaye. Abo Haalah ke intaqal ke waqat Hazrat khadijah razi Allah anha 21 sal ki then.

Aap ka dosara nikah Atiq bin ayed mukhazoomi se huwa jin se ek larki peda hoi jis ney bad min Islam Qabol kiya. Atiq bin ayed mukhazoomi bhi intaqal kar gaye. Yake bad degare donon shoharon ke intaqal se hazrat khadijah razi Allah anaha dil bardashtah ho gayi then.

Mali dolt ke sath-sath Allah Taala ney inhen dolt Hosan se bhi nawaza tha. Nahayat zahin or saliqah mand then. Inahi khasais ki wajah se woh "Taahirah" ke lqab se mashahur then.

Jab inhen rasool Allah ﷺ ki raast goi, Amant or makarm akhalaq ka ilam huwa to unhon ney ek pegham ke zariye pesh kash ki keh aap in ka maal le kar tijart ke liye mulak shaam Tashareef le jain. Woh dosare taajron ko jo kuch deti hen is se behtar ujrat aap ko din gi. Aap ﷺ ney apane chcha se mashworah kar ke yeh pesh kash qabol kar liee. Or in ka maal le kar mulk shaam tashareef le gaye. Is safar min Hazrat khadijah razi Allah anaha ke ek ghulam "Mesrah" bhi aap ke sath thaa, jo aap ﷺ ke akhalaq w adat dekh kar aap ﷺ ke garvidah hogaye. Aap ﷺ safar se makah wapis tashareef laaye to Hazrat khadijah razi Allah anaha ney apane maal min aesi amant o barkat dekhi jo is se pehle kabhi na dekhi thi. Maal ki khareed w farokht ka hisab Aap ﷺ ney Hazrat khadijah razi Allah anaha ko diya to manafa dogana se ziyadah tha. Hazrat khadijah razi Allah anaha ney bhi te shudah moawazah ka dochand Aap ko diya yani bajaye 4 Ount ke 8 Ount moawazah min diye. Idhar in ke ghulam Mesrah ney Aap ﷺ ke shirin Akhalaq, buland paya kirdar, Mozun andaz fikar, Raast goi or Amant darana tur tariq ke mutaliq apane mushahidat biyan kiye to Hazrat khadijah razi Allah anaha ko apana gum gushtah gohar mutalob dastyab ho gia.

Hazrat Khadijah se Shaadi:

Hazur ﷺ ki Omar is waqat 25 sal ho chuki thi or hazrat khadijah razi Allah anaha ki Omar chalis saal thi. Hazrat Khadijah razi Allah anha ney Hazur ﷺ ki studah sifat se mutasir ho kar khud hi apni Sohyli nafisah bint maniyah ke zaria aap ki khidmat min nikah ka pegham bheja. Hazur ﷺ ney apani raza mandi zaahir ki or apane hum Omar chcha or dudh sharik bhai Hazrat Hamzah razi Allah anhu se zikar kiya jinhon ney Ahil khandan se mashwrah kar ke khud hi ja kar piyam manzur kar liya. Chunanchah Aap ﷺ ka Hazrat khadijah razi Allah anaha se nikah huwa jis min Hazrat khadijah razi Allah anaha ki janib se in ke chcha Amaro bin asad or hazur ﷺ ki janib se Hazrat Abu Talib, Hazrat Hamzah razi Allah anhu, Hazrat Abubkar razi Allah anhu or sardaran quresh sharik they. Haq mehar ba akhtalaf rawayat 20 Ount, 400 dinar yaa 500 dirham qarar paya.

Shadi ke waqat Hazrat Khadija ki Omar kitni thi?

Yahan is baat ki saraht zarori hey keh aam rewayat ki bamojaby nikah ke waqat Hazrat khadijah razi Allah anaha ki Omar 40 Saal batai jati hey, lican bean ulaqwami shuhrat ke haamil scaler or seerat ngaar Doctor Muhammad Hameed Allah ney Apani kitab "Rasool Akarm ﷺ ki siyasi zandgi" min Muhammad bin Habeeb baghdadi musnnaf kitab "Almuhabbr" ke hawalah se 28 saal batai hey. 28 Saal ki mazeed taayid "Alzarqani" ke biyan se bhi hoti hey. Woh "Alqustlani" ki kitab "Almuwahib" ki mashahur sharah "Almughllatai" ke hawalah se likhte hen: "Or yeh bhi kaha jata hey keh woh 28 Saal ki then jyisa keh Almughllatai or dosaron ney biyan kiya hey". (Alzarqani)

 Sab se ziyadah waqi baat to yeh hey keh iban saad (mutawfa. 230 Hijri) ney Abdullah bin Abbas ki sanad se riwayat likhi hey keh khadijah razi Allah anaha ki Omar jis din Rasool Akarm ﷺ ney in se nikah kiya, 28 Saal thi. (Tbaqat, jild 8, finnisaa)

Nikah ke baad Hazur ﷺ chand din bani Hashim ke muhalah min guzar kar hazrat khadijah razi Allah anaha ke makan min aagay.

Hazrat Zaid bin Harisah Rasool Allah ki khidmat Maen!

Hazrat khadijah razi Allah  anaha ney aap ki khidmat ke liye Aek ghulam Zaid bin haarisah razi Allah anhu ko pesh kiya jo is waqat 15 saal ke they or jinhen bachapon min dakuon ney Ukkaz ke bazar min Hakeem bin Hizam ke hath farokhat kar diya tha. Or baad min unhon ney apani phophi Hazrat khadijah razi Allah anha ki nazar kiya tha. Kuch Arsah baad Zaid razi Allah anhu ke bap ko malom huwa keh Zaid zindah hen to bap or chcha donon ney Hazur ﷺ ki khidmat  men haazir ho kar inhen in ke hawale karne ki darkhwast ki jis par Hazoor ﷺ ney Zayid razi Allah anhu se farmaya keh tumahare bap or chcha tumahin line aaye hen, ab Tumahin ikhtyar hey keh chaho to in ke saath Apane watan lot jao, chaho to mere sath rho.

Is par Zaid razi Allah anhu ney apane bap or chcha ke sath jane ke maqablah min hazur ﷺ ke Saath rahne ko tarjeeh di. Is ke baad Hsabe dastor Hazoor ﷺ Zaid razi Allah anhu ko saath le kar harm kaabah min aaye or hateem ke pas ja kar Ealan farmaya:

"Logo! Gawah rehna keh Zaid Aazad hey or aaj se woh mera beta hey". 

Yeh Eelan suun kar in ke baap or chcha bohat khush huvay or apane watan wapis laot gaye. Hazrat Zaid razi Allah anhu ko yeh ezaz bi haasil hey keh woh wahid sahabi hen jin ka naam Quran majeed min aaya hey. 

Hazrat khadijah razi Allah anaha pehli khaton then jin se Rasool Allah ﷺ ney shadi ki or an ki wafat tak kisi dosari khaton se shadi nihen ki.

Hazrat khadijah ke baten sey Aap ki Olaad:

Hazrat ibrahim razi Allah anhu ke alawah rasool Allah ﷺ ki baqiya tamam olad inahi ke batn se then. Sab se pehle qaasim razi Allah anhu peda huvay or inahi ke naam par Aap ki kuniyat Abulqasim parhi.

Phir Hazrat zanib razi Allah anaha, Ruqiya razi Allah anha Umme kalsum razi Allah anaha, fatimah razi Allah anaha or Abdullah razi Allah anhu peda huvay. Abdallah razi Allah anhu ka laqab tayyab or Tahir tha. Aap ﷺ ke sab bache bachapon hi min intaqal kar gaye, Albatah bachion min se har ek ne Islam ka zamana paya, Muslman huve or hijrat ke sharf se musharf huve, lican hazrat fatimah razi Allah anaha ke siwa baqi sab ka intaqal aap ki zindgi hi min ho gia. Hazrat fatimah razi Allah anaha ki wafat aap sall Allahu aliyhi wasalm ke 6 mah bad hoi.

Khana Kaabah ki Tameer:

Aap ﷺ ki Omar ka pentiswan (35) saal tha keh Quresh ney naye sere se khana kaabah ki taumer sharo ki. Wajah yeh thi keh kaabah sirf qad se kuch unchi chaar dewari ki shakl min tha. Hazrat Ismaeel aliyhi salam ke zamane hi se is ki bulandi 9 hath thi or is par chht na thi. Is ki tamer par ek tavel zamana guzar chuka tha. Amaaret khastagi ka shikar ho chuki thi or dewaren phat gayi then. Idhar isi saal aek zor dar selab aaya jis ke bahao ka rukh khana kaabah ki taraf tha. Is ke natije min khana kaabah kisi bhi lmahe dehe sakta tha. Is liye quresh mujabur ho gaye keh is ka martabah w muqam barqarar rakhane ke liye ise az sary now tamer karin.

In hi ayam min ek romi jahaz Tofan min ghir kar shaeebah (jadah ka qadim naam) ki bandargah se takara kar takde- takde ho gaya. Yeh ietla Quresh ko mili to unhon ney jahaz ke takhtye kaabah ki tamer ke liye khareed liye. Tufan min bachane walon min "baqum" naami aek misri mamar bhi tha. Is ney tamer ke liye apani khidmaat pesh kin. makah min bhi Aek badhi tha jis se kam liya ja sakta tha. Is marhale par Quresh ney yeh mutafiqah fisalah kiya keh khana kaabah ki taumer min sirf halal  Raqam hi istamal karin ge. Is min randi ki Ujrat, sud ki dolt or kisi ka naahaq liya huwa maal istamal nihen hone din gey. Saholt ki khaatir unhon ney tamer ka kam tamam khandanon min taqsim kiya. Darwazah wali dewar ki taumer bani abd manaf or bani zohrah ke zime hoi. Hajar Aswad or Rukan yamani ki darmiyani dewar ki tamer bani mukhazoom w Teyim ke superd hoi or pichali dewar uthane ka kam bani sahum or bani Humaj ke zime huwa. Bani abduldaar, bani Asad or bani adi ney mil kar hateem wala rukh banane ki zimah dari lie.

Nayi tamer ke liye purani amart ko dhana zarori tha lican purani amart ko girane se log dar rahe they. Is liye keh kuch hi arsah qabl yaman ka badsha "Abrahah" hathiyon ko le kar kaabah ko dhane ki niyat se aaya tha to is ka bura anjam huwa tha jise dekhane wale log mojud they. Bil Aakhar "Walid bin mughairah mukhazoomi" ney ibtada ki or kadal le kar yeh kaha:

 "Aye Allah! Hum khair hi ka aradah karte hen".

Is ke bad do konon ke atraf ko kuch dha diya. Jab logon ney dekha keh is par koi Aaft nihen toti to baqi logon ney bhi dosare din dhana sharo kiya or jab qawayd Ebrahim tak dha chuke to taumer ka aaghaz kiya. 

Jab dewarin Hajar Aswad nasb karne ke maqam tak unchi huve to qabile min sakhat jhagada peda howa jo char panch roz tak jari raha. Har qabelah chahta tha keh yaeh ezaz is ko haasil ho. Nobat yahan tak pohchi keh talwarin khanch gayin. Arb min yeh dastor tha keh jab koi shakhs jan dine ki qasam khata tha to piyalah min khun bhar kar in min ungliyan dabo lita tha. Is moqa par bhi baaz davidaron ney yeh rasm ada ki. Is jhagde ki wajah se char din tak kam ruka raha. Panchwen din Quresh ke sab se ziyadah mamar Aadmi "Abu Umia bin mughairah" ney mashwarah diya keh kal sobah ko jo shakhs sab se pehle bab bani sheebah se harm min dakhil ho wahi saalis qarar de diya jaye. Sab ney yeh raaye taslim ki.

Dosare din tamam qabile ke sardar moqa par pohche. Allah ki mashiyat keh is ke bad sab se pehle rasool Allah sallallahu aliyhi wasalm tashareef laaye. Logon ney Aap ko dekha to chekh pade keh "Haazal Ameenu razinah haza Muhammad".ﷺ 

"Yeh Ameen hen, hum in par raazi hen, yeh Muhammad (Sallallahu aliyhi wasalm) hen".

Zara sochin or ghor karin keh jis Ezzat or sharaf ko har qabelah haasil karna chahta tha or khun se bhare huvay piyale min ungliyan dal-dal kar marne marne par shadeed wa ghaleez qasmin kha chuke they is Ezzat wa sharf ke mamlah ko hazur ﷺ ke superd karne min sab mutman hen!!

Yeh mamlah Hazur ﷺ ke samane pesh huwa to hazur sallallahu aliyi wasalm ney kandhe se rdaye mubark utari or apane dast mubark se hajar Aswad is ke andar rakha. Phir farmaya keh tamam qabile apani char badi jamaton min se Aak-Aek nomindah chun lein. Pehli badi jamat ney  Utabah bin rabia, Dosari ney Abu Zama'a,  Tisri ney Abu Huzefah bin Mughairah or chothi jamat ney Qayis bin adi ko apana nomindah muntakhab kiya. Aap ﷺ ney in charon se kaha keh chadar ka ek-ek kona tham lin or atha kar dewar tak le chalin jahan ise nasb karna hey. Jab chadar moqa ke barabr aagayi to aap ﷺ ney Hajar Aswad ko utha kar nasb kardiya. Yeh goya ishaarah tha keh kaabah ki amart ka aakhari takameli pathar bhi aap ﷺ hi ke hathon se nasb hoga.

Tmam bodhe or tajrabah kar sardaran quresh aap ﷺ ki zhaant, quwat fisalah or munsaf mazaji ko dekh kar heeran reh gaye, or sab ney bila twaquf Aahsanta wa marhaba ki sadayin buland huven.

 ============ 

Hawalah jaat👇👇👇

Seert ulnabi Molana Shibli Nomani. 

Seert-ul-Mustafa Molana Muhammad Idaris kandahlvi.

Alraheeq ulmakhtom Urdu Molana safi u Rahman Mubarkapori.