Mrs, Ayeni Bessent ki gawahi or zamana shabab ke Do Eham waqiat. Jung Fujar or Moahidah Halaf-ul-fazool min shirket

 Mrs, Ayeni Bessent ki gawahi or zamana shabab ke Do Eham waqiat. Jung Fujar or Moahidah Halaf-ul-fazool min shirket.

(Qist no: 33,34)

 ============<<<>>>==========

Allah ney apane tamam Anbia ko sari zindgi shirk w gumrahi or rasom jahiliyat se mahfooz rakha. Chunanchah tamam hi Anbia karam apani nabuwet w risalt se pehle bhi apane khandan w qabelah or qaum ke saleh tarin insan qarar pay. Jaise Hzrat Ibrahim aliyhi salam yaa Hazrat Yousaf aliyhi salam ke waqiat se zaahir hey. Isi tarah nabi aakharuzaman Hazrat Muhammad mustafa ﷺ bhi apani nabuwat w risalt se pehle apane larakpan or dur jawani min shirk w baut paristi or tamam marasim shirk se bilkul pak or munzah rahe. Aap ﷺ ki niki, khush atwari, diyant, amant or raast bazi ki is qadar shohrat ho gayi thi keh log aap ﷺ ko naam le kar nihen balkeh "Saadiq yaa Al-Amin" kehah kar pokarte they. Jysa keh iban hisham ki rawayat min hey keh "Pas Rasool Allah ﷺ is haal min jawan huwy keh Allah taaala aap ﷺ ki Hifazat or ngrani farmate they or jahiliyat ki tamam gandgion se aap ﷺ ko pak or mahfooz rkhtey they. Is liye keh Allah taaala ka iradah yeh hochka tha keh aap ﷺ ko nabuwat w risalt or har qism ki Ezzat w ikaram se sarfaraz farmaaye. Yahan tak keh aap ﷺ mard kamil ho gaye or mrawat w husan khulaq, Hasab w Nasab, hilm w burdabari w raast bazi or Sadaqat w Amant min sab se badh gaye or fohash w akhalaq rzilah (buri adat w khaslat) se Antaha darjah door ho gaye. Yahan tak keh aap ﷺ "Alsaadiq, Alamin" ke naam se mashahur ho gaye.

Hazrat Zaid bin haaris razi Allah anhu farmate hen keh zamana jahiliyat min jab musharkin makah biyat Allah ka tawaf karte to "Asaaf w naailah" (Do buton ke naam) ko chhote they. Aek bar min ney aap ﷺ ke sath biyat Allah ka tawaf kiya. Jab in buton ke pas se guzara to in baton ko chhwa. Aanhazrat ﷺ ney mujh ko in buton ko chhone se mana kiya. Min ney apane dil min kaha keh dekhon to sahi keh chhone se hota kiya hey is liye dubarah in ko chuhwa. Aap ney phir zara sakhti se mana karte huvy farmaya: "Kiya tum ko mana nihen kiya tha". 

Hazrat Zaid razi Allah anhu farmate hen "Allah ki qasm! is ke bad kabhi kisi bout ko hath nihen lagaya. Yahan tak keh Allah taala ney aap ﷺ ko nabuwat w risalt se sarfaraz farmaya or aap ﷺ par apana kalam utara.

(Mustadark Haakam. Jild 3, safah, 216) 

Aek martabah (Aek dawut min) Quresh ney aap ﷺ ke samane khana laa kar rakha. Aap ﷺ ney is ko khane se inkar kiya. Wajah yeh thi keh Quresh janworon ko ghairallah ke naam par zibah karte they or aap ﷺ ko buton ke chadhaway khane se apani pakizah tabiyat ki wajah se nafrt thi. Khulasah yeh hey keh tamam Anbia karam ki tarah aap ﷺ bhi ibtada se hi nahayat salih tabiyat wale or kufr w shirk or har qism ke fohash w munkarat se pak or manzah they. 

Mrs, ! "Ayni bessent" hindostan min thiyozofical socity ki peshwa or badi mashahur angrez Aurt hey..... Woh likhti hey: 

"Peghambar Aazam ﷺ ki jis baat ney mere dil min un ki Azmat o buzurgi qaim ki hey woh in ki woh sift hey jis ney in ke hum watanon se "Al-Amin" (barha diyant daar) ka khitab dilwaya. Koi sift is se badh kar nihen ho skti or koi bat is se ziyadah muslim or ghair muslim donon ke liye qabile ittiba nihen. Aek Zaat jo mujassim sidaq ho, is ke asharf hone min kiya shak hoskta hey!!!? Aesa hi shakhs is qabil hey keh pegham haq ka Hamil ho".

Mustaned riwayat se saabit hey keh Aap ﷺ ka larakpan or zamana shabab dur jahiliyat ke tamam akal w shurb, lahvo w la'ab or dosari Tamam naa pasandidah aqdar se pak raha, bawajud is ke keh Aarb moashrah sir taa paa badkari or behiyaai min doba huwa thaa, or Aese tamam bad Aamal arb moshrah min nihayat hi pasand kiye jate they, Allah ney aap ﷺ ki zaat pak ko in se mahfooz rakha. Is khuli badkari ke mahul min aap ﷺ ke Hum Omar naujawan jab jawani ki khar mastion min dobe huvy they, Aap ﷺ in ke aeen Oulat tariq par apani raast bazi or pakizgi min makah ke salih tarin insan ke tur par samane Aay. Dosari taraf Aesa kabhi na huwa keh Aap ﷺ shirk w gumrahi ke kisi fe'al min sharik huvay hon. Khana kaabah ke tawaf ke duran jab musharkin tarah-tarah ke shaitani amal o sharkiya rasomat min mubtala hote, aap ﷺ in sab se alag thalag apana tawaf jari rkhtey. Is duran na siraf khud aesi badamaliyon or shirk w bout paristi se dur rehte balkeh dosaron ko bhi Aesa karne se rokatey. Aap apani qaum quresh ke is deen par kabhi nihen chale jis ko aap ﷺ ki qaum ney deen Ibrahimi tark kar ke apana liya tha. Allah ney aap ﷺ ko qabal  uz nabuwat har qism ki behiyaai or badkari se pak saf rakhane ke sath-sath ertakab shirk w gumrahi se bhi mahfooz rakha.

"Jange Fujar" min shirkt:

Aap ﷺ ki Omar 20 saal thi jab qabelah Quresh or Qabelah "Qayers eilan" ke darmiyan ek bohat hi zabardast jang hoi. Yeh jang "Harb ulfujar" ke naam se mashahoor hey.  Bani kanana bhi is jang min Quresh ke itehadi they. Yeh jang chonkeh in maqdas mahinon min ladi gayi jin min qatal w ghart karna, fisaq w fajur, naajaiz or haram tha is la

iye is jang ko "Harb ul fujar" ka naam diya giya. Qabelah Quresh ke tamam zeeli qabile ney Is markah min Apani alg-alg fogen qaaim ki then. Bano hashim ke Alam brdar Aap ﷺ ke chcha jenab Zuber bin Abdalmutalab they jab keh in tamam qureshi fojon ki mushtarkah kaman Hazrat Abu Sufiyan razi Allah anhu ke walid or Hazrat Ameer Moavia razi Allah anhu ke dada "Harb bin Umiya" ke hath min thi, jo Raees quresh or naamwor jangjo they. Iban hisham ke mutabiq bazar ukaz min hone wala aek qatal is jang ki wajah bana. Donon hi fariqon ney ek dosare ko is qatal ka zemah dar qarar diya. Barhte-barhte yeh tanaza itna badha keh in min jang ki nobat aagayi. Chonkah is tanaza min Quresh khud ko barhaq samjte they or phir khandan ke nang w naam ka mamlah bhi tha is liye aap ﷺ bhi apane chchaon ke sath is jang min sharik huway, lican aap ney duran jang kisi par hath nihen uthaya balkeh siraf apane chchaon ko tir Otha-Otha kar dite rahe. Is ki wajah yeh thi keh yeh jang in muqdas mahinon min hoi jin min jang karna haram tha.

Dosari taraf ek wajah yeh bhi thi keh donon hi fariq musharik they is liye Allah ney aap ﷺ ko is bemaqsad qatal w ghartagri se mahfooz rakha, cunkah momin ko qatal or jihad w jang w jidal ka hukam faqt is liye diya giya hey keh Allah ka kalimah buland ho or isi ka bol bala ho, jabakah yeh jang mehaz nasli w qabilei naam w namud ke liye ladi gayi. 

Jang sharo hoi to  pehley pehal qabelah Qayis eilan ka pllah bhari raha, lican dopehr ke bad quresh btadarage ghalib hote gaye or bilaakhir quresh hi ftah yaab huvay, taaham donon taraf ke buzurgon ki koshash se donon qabile min sulah ki aawaz uthai gayi or yeh tajwez Aie  keh fariqaen ke muqatolin gin liye jain, jidhar ziyadah hon un ko zaaid ki diyat de di jaye. Chonanchah isi par sulah hogayi or youn qatal w ghartagri ka yeh sulsalah tham gayia.

Moahidah "Halaf alfazul" min shirkat:

Mamoli-Mamoli baton par laraion ka silsalah arb min mudaton se jari tha jis ney seynkron gharane barbad kardiye they or qatal w safaki morosi akhalaq ban gaye they. Harabulfujar ke bad baaz salih tabiyaton min is be-maani jung w jidal se bezari peda hoi or yeh khayal peda huwa keh jis tarah zamana sabiq min qatal w ghartagri or zulm w sitam ke insadad ke liye Fazal bin fuzalah, Fazal bin wuda'a or Fazal bin Haris ney Aek Moaahidah murtab kiya tha jo inahi ke naam par "Halafulfazul" ke naam se mashahur hawa, isi tarah ab dubarah is ki tajadid ki jaye. Chunkeh in sab ke naam min Fazal ka lafiz shamil tha is liye moahidah ko halfulfazul kehate hen) jang fujar se jab log wapis makah pohnche to aap ﷺ ke chcha or khandan bano hashim ke sardar janab zuber bin Abdalmutalab ney sab ke samane yeh tajvez pesh ki. Chunanchah khandan bano hashim, bano zohrah or bano tyim "Abdullah bin judaan teymi" ke ghar min jama huvay. Woh sinn o sharf min mamataz tha.

Wahan yeh moahidah tey payia keh hum min se har shakhs mazlom ki hamayat kare ga or koi zaalim makah min rahne na Paye ga. Nabi karim ﷺ farmate hen keh "Is moahidah ke waqat min bhi Abdallah bin judaan ke ghar haazir tha. Is moahidah ke maqablah min agar mujh ko surakh Ount bhi diye jate to hargiz pasand na karta, or agar ab zamana Islam min bhi is qisam ke moahidah ki taraf bulaya jaon to bhi is ki shirkat ko zaror qabool karon gaa".

Is moahide ka sabab yeh bhi bataya jata hey keh zubid ka aek aadami saman le kar makah aaya or "Aas bin waile" ney is se saman khareeda lican is ka haq rok liya. Is ney halif qabaile Abduldaar, Makhazoom, jamha, sahem or adi se madad ki darkhwast ki lican kisi ney tawjah na di. Is ke bad is ney jabl Abo qabes par chadh kar buland aawaz se chand ashaar padhe jin min apani dastan mazlomiyat biyan ki thi. Is par janab zuber bin Abd ulmutalab ney dorh dhop ki or kaha keh yeh shakhs be yaaro madad gar kiyon hey?

In ki koshash se oper zikar kiye huvay qabile jama ho gaye. Pehle moahidah tey kiya or phir Aas bin Waile se zabidi ka haq dilaya. Halaf ulfazul" ka yeh waqia Harb ulfujar ke 4 mah baad or aap ﷺ ki baesat sey 20 saal pehle pesh aaya, jise qatal w ghartagri or zulam w sitam ki rok tham min ek sang mel ka darjah haasil huwa. Is liye is muahidah ko zamana jahiliyat ke behtarin moahidah ki heesiyat se yaad rakha gaya hey.

 =========== <<<<<>>>>>>========

Seert unabi. Molana Shibli Nomani.

Seerat ulmustafa. Molana Muhammad Idaris kandahlvi.

Alraheeq ulmakhtom urdu. Molana safi-ul-rahman Mubarkapori.

Taarekh iban kaseer (Albidaya walnihaya)