Rasool Allah ka bchpan or waqia Shaqq sadar, Walidah or Dada Abdalmutlab ki wfaat

 Rasool Allah ka bchpan or waqia Shaqq sadar, Walidah  or Dada Abdalmutlab ki wfaat.

==========================

 Waqia shaqq sadar:

 Nabi karim ﷺ ki zindgi bohat se muhiyyar ulaqol waqiat se bhari pari hey. Yeh waqiat aap ki pedaish se pehle, bachapen min or nabuwat ke bad bhi ronuma huvay. Ayse tamam heran kun waqiat jo kisi nabi ko nabuwt milne se pehle darpesh aayin,  "Erahasat" kehalate hen.

Aesa hi ek ajeeb waqia nabi karim ﷺ ke sath hazrat halimah razi Allah anaha ke ghar wiladat ke chothy yaa panchwen saal pesh aaya jab Aap ka sina farishton ny chaak kar ke aap ka dil dhoya tha. Ise shaqq sadar (sina mubark chak kaye jane) ke naam se yaad kiya jata hey. Is ka zikar hazur ﷺ ny ek mujalis min kiya tha jab keh qabelah bani Amir ke ek borhe shakhs ny hazur ﷺ se apani Ebtadai zandgi ke haalat sunane ki khwahish ki thi.

Aap ﷺ ny farmaya:

"Mera sheer khwari or bachpen ka ibtadai zamana bani saad bin bakar min guzra. Ek din min apane ham Omaron ke saath khel raha tha keh safyid posh aadamiyon (farshton) ki ek toli ny jin ke hathon min sone ki thali min (zam-zam ki) barf bhari thi, mujhe pakar liya. Mere sathi dar kar bhag gaye. Unhon ny mujhe zamin par lataya or (mere sine yaa pet ke) andaroni ajza nikal kar (zam-zam ki) barf (ke pani) se achi tarah dhoya or phar apani jagah rakh diya".

Yeh manazr min apani aankhon se dekh raha tha. Dosare ny mere sine min hath dala or dil ko nikala or is se ek lothara nikal kar farmaya: "Yeh tum se shaitan ka hissa hey" phir dil ko (sone ki) tasht min zam-zam (ki barf) ke pani se dhoya. Phir apane hath ko feza min buland kiya to achank ek noor ki mohar is ke hathon min aagayi. Is ny mohar dil par lagai to woh noor se bhar giya. Phir dil ko jorh kar apane muqam par rakh diya.

Ab tisre ny sina se naaf tak hath phera to zakham mondmal ho gaya. Min Outh kharha huwa to tinon ny bari-bari mujhe sine se lagaya or meri peshani par bosah diya".

Aap ﷺ ke dudh shareek bhai ny yeh manazr dekha to dorh kar apany waldin ko Etla di keh kuch safyid posh Aadamiyon ny mere qureshi bhai ka paet chak kar diya hey. Yeh sunte hi woh foran wahan gaye or dekha keh bacha ke charah ka rang faq hey.

Is waqia se hazrat Halimah raziAllah anaha ko khatrah mahsos huwa, is liye aap ﷺ ko apni waldah ke pas pohchane ke laye makah rawana hogaye or hazrat Aamina se sara haal biyan kiya. Yeh son kar hazrat Aamaia ny kaha keh ghabrane ki koi baat nihen. Khuda ki qasm! Is par aasib ka koi asar na ho ga balkeh yeh bachah to barhi Shan wala hey.

Hazrat Halimah sadiya razi Allah anaha ny shq sadar ke waqia ke bad aap ﷺ ko char yaa panch sal ki Omar min aap ki walidah muhtarmah hazrat Aamina ke hwale kar diya.

Unhon ny aap ﷺ ki khidmat ke liye Um Eman  (razi Allah anaha) ko mamor kiya jo aap ke wald ki kanies then. In ka asili naam barkah tha. Jab aap ﷺ ki Omar 6 sal ki hoi to aap ki waldah hazrat Aamina  Hazoor  ko sath le kar apane marhum shohar hazrat Abdullah ki qabr ki ziyart ke liye yasarb (madina) rawana huve. Do unton par mashtamil is mukhtasr sy qafilah min Aap ki kanies Hazrat Umm eman (razi Allah anaha) bhi hamrah then.

 Woh "darulnaabigah" min atrin jhan hazrat Abdallah madfon thy. Or ek mahina wahan qayam kiya. Wahan aap ﷺ ny bani najar ke talaabon min tirna sekha or garhi ke samane nanhiyali larkon ke sath khela karty.

Hazrat Umm eman razi Allah anaha ka biyan hey keh yasarb (madina) ke yahud aap ﷺ ko bare ghor se dekhty. Min ny suna keh in min se ek keh raha tha kih yeh bacha  is Ummat ka nabi hey. Or yahi in ka darulhajrat hey. Min ny un ki yeh bat zehan min mahfooz karli.

Wapsi min badar ke qarib "Abuwa" ke maqam par hazrat Aamina bemar huve jis ki wajah se is qaafilah ny wahan qayam kiya. Hazrat Aamina ny wahin wafat pai.  Waqat-e-aakhir aap ﷺ apani waldah ke sarahane bethe thy. Maan ny apane jalil alqadar betay ko jee bhar ke dekha or chand  ashaar parhy jin ka mtan  "mowahib laduniya" min mahfooz hey. Bawqat wafat hazrat Aamina ki Omar taqriban 28 saal thi or woh Hazur akarm ﷺ ki wiladat ke bad chh  6 sal teen 3 mahine tak zindah rahin.

Hazrat Aamana ko isi jagah dafn kiya gaya or hazrat Umm eman razi Allah anaha aap ko lecr makah wapis hazrat abdalmutalab ke pas pohchin. Youn shikam madar min hi yatim hone wale "nanhe hazoor" Apani waldah ke sath bhi ziyadah din na guzar saky.

Hazrat Umm eman razi Allah anaha ny ek maan ki tarah aap ﷺ ki ngrani ki. In ke bare min hazur Akram sallallahu alyhi waslam farmaya karte thy keh yeh khaton meri waldah ke bad meri man hen.

Hazoor  jab nabi banaye gaye to hazrat Umm eman razi Allah anaha Awwalin tasadiq karne walon min se ho gayin.

Hazur ﷺ ny inhen aazad kar diya. In ka pehla nakah bani haars ke Ubid bin ziyad bin amaro se huwa jin se Eman peda huvay jin ke naam par in ki kuniyat umm eman thi. Pehle shohar ke intaqal ke bad hazur ﷺ ny apane aazad kardah ghulam hazrat zaid bin haarisah razi Allah anhu se in ka nakah karwaya jin se Usamah bin zaid razi Allah anhu peda huvay. Hazrat Usman razi Allah anhu ke ahd khalaft min hazrat umm eman razi Allah anaha ki wafat hoi. Waldah majidah ki wafat ke bad hazur ﷺ ko aap ke dada hazrat Abdalmutalab ny apani kafalt min le liya.

Hazrat Abdalmutalab ko aap se bohat muhabbat thi or aap ko sab oladon se barh kar mahboob jante thy. Rawayaton se pata chalta hey keh Hazrat Abdalmutalab ko yaqeen tha keh in ka pota bara naam pane wala hey.

Chunanchah jab bani mudalj ki ek jamat in se milne aie to in min bohat se qayafah shnas be thy. Unhon ny jab hazur ﷺ ka naqsh kaff paa dekha to ise hazrat ibrahim aliyhi alsalam ke naqsh kaf pa (jo musllah  Ebrahim kehlata hay) ke mushabeh paya.

Is liye unhon ny hazrat abdalmutalab se kaha keh is bache ki batur khaas hifazat or ngrani karin. Chananchah hazrat abdalmutalab hateem min apani nashist par hazur ﷺ ko apane qarib batha kar pusht par hath phera karte or kehte keh is ki to bohat barhi shaan hey.

Dada apane pote ko hameshah sath rakhtey or apane sath hi khana khalate.

Isi saal hazrat Usman bin afan razi Allah anhu ki wiladat hoi. Hazrat abdalmutalab ke ziry saya aap ka bachpen bohat aaram se guzer raha tha. Sirf Hazrat Abdalmutalab hi nihen balkeh aap se aap ke tamam chcha or phophiyan bhi behad muhabbat karti then.

Lican Allah ki mashiyat kuch or thi or abhi aap 8 sal ke thy keh hazrat abdalmutalab ka bhi Intaqal hogia.

Aap ko apane dada se bohat Unes w muhabbat thi. Jab hazrat Abdalmutalab ka jnazah utha to aap bhi jnazay ke sath thy or shidat gham se rote jate thy. Is waqat hazrat Abdalmutalab ki Omar biyasi sal thi.

Aath saal ka ek masoum bachah jis ke man bap bhi wafat pa chuke or ab shafeeq dada bhi, na koi behan na koi bhai, tan tanaha, lican kon janta tha keh bazaher yeh be aasra, masoum bachah kuch hi arsah bad hzaron laakhon ka aasra banane wala hey.

Bilaa shak w shbah aap ﷺ ki zandgi ke lmaha-lmaha min hamare liye sekhane ko bohat kuch hy.

Hazrat Abdalmutalab ki wafat ka waqia ek or lehaz se bhi bohat Ahamiyat ka haamil hey.

Qusai bin kilab ney jumlah amor ryast Aanhazrat ﷺ ke jad amjad "Abdymanaf" ke hawale kiye they jo keh baad azan un ke betay or aap ke  pardada hazrat Hashim ke hissa min Aay.

Dosari taraf hazrat Hashim ke hi dur min khana kaabah ki tawaliyat ke ziyadah tar haquq bhi Hazrat Hashim ney haasil karliye or in se yeh tamam akhtyarat Hazrat Abdalmutalab ko bhi wirasatan haasil huwy. In ki heesiyat apane walid hazrat hashim ki tarah makah ke sardar ki thi, lican in ki wafat ney dafatan bano hashim ke is rutabah amatyaz ko ghata diya or kai dhaion bad yeh pehla moqa tha keh duniyavi etibar se khandan banu Umia khandan bano hashim par ghalib aagaya, or makah ki masand ryast par "Harb" mutamkan hawa jo "Umia" ka naamwor farzand tha. 

Hazrat Abosufiyan razi Allah anhu inahi harb bin umia ke betay they or Harb ke baad makah ke sardar or sipah salar bane. Harb bin umia ney ryast or tawaliyat khana kaabah ke jumlah akhtyarat apane qabzah min kar liye or sirf "Saqaya" yani haajion ko pani plane ki sadat hi hazrat Abbas razi Allah anhu ke pas baqi rahi jo hazrat Abdalmutalab ke sab se chotay betay they.

Hazrat Abdalmutalab ke mukhtalf azwaj se 10 betay they. Jin min se Aan Hazoor ke walid hazrat Abdullah or hazrat Ali razi Allah taala anhu ke walid janab Abu Talib maan ki taraf se sage bhai they. Is liye hazrat Abdalmutalab ney aap ko hazrat abootalib ke hi aaghosh tarbiyat min de diya. Is ke alawah hazrat abdalmutalab ney apani wafat ke waqat apani betiyon yani aap ki phophiyon Arwa, Amimah, barrah, safiya, Aatikah or Umm hakam Albiyza ko bula kar aanhazrat ﷺ ki parworsh or khayal rakhane ki wasiyat ki.

Hazrat abo taalib apane walid ki wasiyat ke mutabiq hazur akarm ko apane ghar le aaye. In ki bevi hazrat fatimah bint asad bhi hazur sallallahu aliyhi wasalm se bohat muhabbat karti then or hazur ﷺ ki parwrsh min unhon ney badi diljamai se hissa liya.

Hazrat Abu Talib bhi Aap se bohat muhabbat karte they or marte dam tak aap ke sar par kisi mazboot sayiban ki tarah Sayia kiye rakha.

In ki muhabbat is darjah badhi hoi thi keh aap ke maqablah min apani sagi olad ki bhi parwah na karte or hazrat Abdalmutalab ki tarah har waqat aap ko apane sath-sath rkhtey. Hazrat Abo taalib kaseerulayaal they. Is liye badi mushkil or tangdasti se guzar basar hoti thi.

Bawajud kam sini ke Hazoor  ney apane chcha ke ghar ki yeh haalit dekhi to kam kaj karne min koi aar muhasos na kiya. Logon ki bakariyon ko Ujrat par charate or bakariyon ko makah ki ek pahadi "Ajiyad" ke qarib "Ariqat" naami moqam par le jayia karte or is se jo kuch ujrat milti woh apane chcha ko dite.

Arab min bakaryan charana koi mayub kam na tha. Bade-bade shurafa or Umaraa ke bache bakaryan charaya karte they or yeh in bachon ke liye koi kam nihen balkeh ek mashgulah ki heesiyat rakhta tha. Or Agar arb tarz moashirat ka jaizah liya jaye to ise basani samja jaskta hey.

Zamana risalt min aap is saadah or purlutaf mashgulah ka zikar farmaya karte they.

Aek martabah aap sahaabah kiram ke sath isi jangl min tashareef le gaye. Hazrat jabir bin Abdullah razi Allah anhu se rawayat hey keh hum log araak (pelo ke darkht) ke phal chun rahe they, to aap ﷺ ney farmaya:

"Jo siyah ho gaiye hen woh le lo keh wahi sab se acha hota hey".

Is par sahaabah ney arz kiya:

"Yaa rasool Allah ﷺ!

Kiya aap bhi bhed  bakaryan charaya karte they"?

Farmaya:

"Haan! Koi peghambar Aesa nihen guzara jis ney bhed bakaryan na charai hon".

Das barah saal ki Omar tak aap ﷺ ka yeh mashgulah jari raha.

========================== 

Halwalh jaat.👇👇👇

Seerat unnabi. Molana Shibli nomani.

 Seert ulmastafa. Molana Muhammad Idaris kandahlvi. 

Araheeq ulmukhtom urdu. 

Molana safi urahman mubarkapori.

Taarekh iban kaseer (Albadaya walnahaya)