Ahle Arb k mushrekana Aaqayid.Qist:8

 Ahle Arb k mushrekana Aaqayid...(Qist:8) 

========================= Darhaqeeqat masharkin makah w arb un buton ko mabood haqeeqi nihen mante thy balkah woh Allah ko hi wahid mabud haqeeqi mante thy. Woh un buton ko Allah ki bargah min apana Safarshi taswur karte thy or woh in button ki taazeem w Abadat is Aetaqad ky sath karte thy keh ye un ko Allah se qarib kardingy.

Dosara woh taswur karty thy keh  in button ko khudai sifat min se quwatin or taqtin haasil hen lican behr hal haqeeqi raazq w malk woh Allah ko hi mante thy. Darasil musharik hota hi wahi hay jo Allah ko man kar phir is ki zat, sifat yaa abadat min kasi or ko sharik kare.

In musharikana Aqaid ka natijah yeh nikala keh Musharkin makah bori tarah se tawham paristi ka shkar hogaye. Woh bat-bat se nik w bad shgon lity or phir bory  shgon se bachane k liay kahinon ki khidmaat haasil karte.

Is tarah kahinon ka Jantar Mantar or totkon ka karobar khub chamka howa tha. Kahin log jinnon bhoton k mouti hony ka  Da'awaa karte or logon ko jhoti suchi ghaib ki khabarin dite thy. Shirk w bott parasti min dobe yeh arb antaha darje ke rasom parist thy, or Jahilana rasom w rawaj ka ek taveel silsalah un ke han rige tha.

In ki bott paristi or tawhum paristi ki ba'az nahayat mozhikah khaiz pehlo bhi muarykhain ny biyan kaye hen.

 Maslan:

Safar par rawana hote to ek pathar jeeb min dal lite. Raasty min agar koi or acha pathar mal jata to pehle "Khuda" ko jeeb se nIkal kar phink dite or naye "Khuda" ki parstash shuro kar dity. Agar rawangi ke waqat pathar sath lina bhol jate to raaste min jis manzil par rukte to wahan se hi char pathar talash karty, tin ka cholaha banate or chothe ko maabud bana lity. Agar kahin pathar na miltaa, to mati or kankariyon ka ek dher jama karke is par bakri ka dudh bahate or phir is ke samane sjidah ries hojate.

Zooq boutt prasti sirf pathar tak mahdud na tha. Lakri or mati ke bhi bout jaty. Ek martabah bano hanifah ny kajhoron k ek dher ki Ebadat shuro kardi. Esi asna min qaht parh gaya. Jab khane ko or kach na mila to sab ny mil kar apane "khuda" ko hi kha kar khtam kardiya.

Yon khana kaabah jo zamin par Allah ka sab se qadim or muqdas tarin ghar hey musharkin ke hathon shirk w gumrahi ka garh ban chka tha. Ahil makah ke nazdek sab se aham bat  Laat, Manat, Ouzza' or Hubal samiyt lag bhag teen so sath (360) chhotay bary bott thy jo harm kaabah min nasb thy. Arb in ki poja bhi karte or un par qarbaniyan bhi pesh karty. Hajj ke dinon min yeh kufr w zalalt ke manazar our barh jaty,  jab haj ko aane wale nange ho kar khana kaabah ka tawaf karty. Boton ke aagy fal nakalne wale panse phinke jate or nazarin mani jatin.

Garz yeh  keh Shaitaniyat sar zamin arb par apani antaha karchaki thi or arb qoum shirk w gumrahi min pasti ke jis moqam par pohch chaki thi is se aage koi or pist maqam na tha. Ab Allah  ki shan-e-Rahmaniyat  ki baari thi. Chunanchah Inahi musharkin ke bech min apany  Habeeb ﷺ  ko peda kar ke shirk w kufr ky boutt par woh kari zarb lagai keh rouy zamin ky chapa-chapa par tuheedo wahdaniyat ke roshan charag roshan ho gaye. Kabhi na bujhane ke liye!! Agli qist min waladat nabi pak ﷺ ke waqat sar zamin arb min rige baqi mazahib ka ek mukhtasr tazkarah kiya jay ga. In sha Allah.

 ============

Hawalh jaat.......👇

 Seert-un-nabi. Molana Shibli Nomani. Seert-ul-mustafa. Molana Muhammad Adaris kandahlvi. Araheeq-ul-mukhtom urdu. Molana Safiurahman mubarkapori