Arab ka jughrafia or seratu alnnabi qist nambr 1

Arab ka jughrafia or seratu alnnabi

 (Qist nambr 1) ==========================

 Aj se sert alnabi karim sallallahu aliyhe wasalm ka mubark silsalah sharo kiya ja raha hay, lican aap  ki sert pak ke tazkarah se pehle bahat zarori hay kah aap ko sarzamin arb or arb qaum or is daur  ke amomi haalat se roshnas karaya jay, taa kah aap ziyadah behtar tariqe se samajh sakin kah aap ki pedaish ke waqat arb or duniya ke haalat kise thy.

 Mulk arb ek jazirah nama he. Jas ke janoob min baheerah arb, masharq min khullige fars or baheerah uman, magharb min baheerah Qulzam hay.

Teen atraf se pani min ghare is mulk ke shmal min sham ka mulk waqa hay. Mujamui tur par is mulk ka aksar hissa registanon or ghair aabad be aab-o- gayah wadiyon par mashtamil hay. Jabakah chand alaqe apani sarsabzi or shadabi ke liye bhi mashahoor hen. Tabei lahaz se is mulk ke hissay yeh hen.

1. Yaman: Yaman jazirah arb ka sab se zarkhaiz alaqah raha hay jas ko pur'aman hone ki wajah se ya naam diya gaya. Aab-o- hawa moutadil hay or is k  paharhon ke darmiyan wasi-o-areez or shadab wadiyan hen jahan phall  or  sabziyan ba'ksart peda hoti hen.

Qaum "saba"  ka maskan arb ka yahi alaqah thaa, jas ne aab pashi ke liye bahat se band (dem) banay. Jin min      "maarib"  ka band bhi tha. Is qaum ki naafrmani ki wajah se jab un par azab aaya to yahi band tot gaya tha or ek azeem selab aaya jas ki wajah se qaum saba arb ke tol o arz min mantashar hogayi. 

2. Hejaz: Yaman ke shmal min hejaz ka alaqah waqhugh he. Hejaz mulk arb ka woh hissa hay jese Allah ne noor hidayat ki shma farozan karne ke laye mantakhab kiya. Is khittah ka markazi shehr makah mukarmah hay jo be aab o gayah wadiyon or paharon par mashtamil ek registani alaqah hay.

 Hejaz ka dosara aham shehr yasarb hay jo bad min madina-tu-nnabi kahalaya, jabakah makah ke masharq min taaif ka shehr hay jo apane sarsabz or lehhate kheton or saya daar nakhalistanon or mukhtalf phalon ki kasrat ki wajah arb ke registan min jant arzi ki mesal hay. 

Hejaz min badar, Ohad, ber'e maunah, hudibiya or khaibar ki wadiyan bhi qaabl zikar hen. 

3. Najad: Mulak Arab ka ek aham hissa najad hay. Jo hajaz ke masharq min hay or jahan aaj kal sudi arb ka daralhakomat "Alryaz" waqa hay. 

4. Hazramot: Yeh  Yaman ke masharq min sahali alaqah hay. Bazaaher weran alaqah hay.  Purane zamane min yahan "zufaar"  or  "sheeban" naami do shehr thy.

 5. Masharqi sahali alaqy:

 (Arb Amarat): In min Oman,              Al-Ahsaa or bahrin ke alaqe shamil hen....

 Yahan se parane zamane min samandar se moti nakale jate thy, jabakah aaj kal ya alaqah tail ki dolt se mala mal hayn.

6. Wadi seena'a: Hejaz ke shmal masharq min khallige swez or khallige Eillah ke darmiyan wadi seena'a ka alaqah hay jahan qaum mosa aliyahi salam chalis sal tak sahra naurdi karti rahi. Toor seena bhi yahin waqa hay, jahan hazrat mosa aliyhi salam ko torat ki takhtyan dee gayin.

Aham not: Ek bat zhan min rakhen kah asil mulk arb min aaj ke sudi arb, yaman, bahrin, Oman ka alaqah shamil tha. Jab  keh sham, araq or misr jise  mamalik ba'ad min ftah  huwy, or arbon ki ek kaseer taadad wahan nakl makani karke aabad hoi. Or natijatan ye mulk bhi Arbi rang min dhal gay, likan asil arb alaqah wahi hay jo mojudah sudiya, bahrin, Oman or yaman ke alaqah par mashtamil hay, or is jazirah nama ki shakl naqshah min wazih tor dekhi jaskti hay.  

Arb ko "arb" ka naam kiyon diya gaya?

 Is ke mutalq do aara hen. Aeak  ray ke matabiq arb ke lfizi mani "fasaht or zuban aawri"  ke hen. Arbi log fasaht w balaghat ke etibar se degar aqwam ko apana ham paya or ham pllah nihen samjty  thy. Is liye apane aap ko arb (faseeh ul biyan) or baqi duniya ko ajam (gonga) kahaty thy. 

Dosari ray ke mutabiq lfiz arb "aarbah" se nikala hay.  Jis ke mani sahra or registan ke hen. Chonkah is mulk ka beshtar hissa dasht w sahra par mashtamil hay is liye sary mulk ko arb kaha jane laga.

 (Jaari he)