Asraa O Meraaj, Safar meraj ke Aham waqiat, Quresh ka ravia or Masjid Aqsa ke padari ki gawahi

Asraa O Meraaj, Safar meraj ke Aham waqiat, Quresh ka ravia or Masjid Aqsa ke padari ki gawahi.

 ==========================

Nabi karim ﷺ ki dawout w tabligh abhi kamiyabi or zulm w Sitam ke is darmiyani marhale se guzar rahi thi or afaq ki Door daraz pinhaion min dhundale taaron ki jhalk dikhai parna shuro ho chuki thi keh Asraa or Meraj ka waqia pesh aaya. Yeh meraj kab waqia huwa? Is ky bary min ahil seyar ke Aqwal mukhtalif hen, albatah Surat Asra ke siyaq se andazah hota hey keh yeh waqia maki zindgi ke bilkul aakhari dur ka hey.
Waqia ki tafseel jo Quran majeed or sahi ahadis se malom hoti hey keh ek raat Hazur Akarm ﷺ aaram farma rahe they keh do farshte jabril aliyhi salam or mekael aliyhi salam aaye. Aap ﷺ ko bidar kiya or apane sath harm kaabah min safa w marwah ke darmiyan laaye, jahan buraq khara tha. Woh gadhe se barha lican khchar se kuch chhota safid rang ka behshti janwor tha. Raan par do par they or zin bandhi thi. Is janti Buraq ka naam Jarud tha.
Jabrel aliyhi salam or mekael aliyhi salam ney Hazur ﷺ ko Buraq par swar karwaya or rawana huvay. Dain bain farishton ki jamatin then. Rastah mein khajur ke darkhton ke jhund nazar aaye. Jibrel aliyhi salam ney kaha: "Yeh aap ﷺ ka darulhajrat hey".Yahan utar kar aap ney do rakat nafl namaz parhi. Phir Jibrel aliyhi salam ney Toor sina par buraq ko roka jahan aap ﷺ ney do rakat namaz parhi. 
Aap ki tisri manzil biyatul-Laham thi jis ke bare min Hazrat Jibrel aliyhi salam ney batlaya kaleh yeh Hazrat Esaa aliyhi salam ki jaye pedaish hey. Wahan bhi Aap ney namaz parhi. Wahan se biyatul-muqadas aaye jahan masjid Aqsa thi.  Wahan Aap buraq se utrey. Istaqbal ke liye farshton ki kaseer taadad thi. Masjid Aqsa min Tamam anbia aap ke muntezir they. Wahan Aap ﷺ ney namaz min tamam peghambaron ki imamat farmai. Hazrat jibrel aliyhi salam bhi maqtadiyon min they. Yeh safar ki pehli manzil thi is ko "Asra" bhi kaha jata hey.
Is ke bad safar ki Dusari manzil shuro hui, jo Asil meraj hey. Wahan se jibrel aliyhi salam Aap ﷺ ko sakhrah par laaye jahan se farishte Aasmanon ki taraf parwaz karte hen. Wahan ek Sierhi namudar hoi jis ke zariye isi raat aap ko Biyat ulmuqadas se Aasman duniya tak le jaya gyia.
Aap ﷺ ke liye darwazah khola gayia. Aap ney wahan Abo albashar Hazrat Aadam aliyhi salam ko dekha or inhen salam kiya. Unhon ney Aap ko marhaba kaha. Salam ka jawab diya or aap ki nabowat ka iqrar kiya. Allah ney aap ﷺ ko un ke dain janib Saadat mandon ki ruhin or bain janib bad bakhton ki ruhin dikhalin.
Phir Aap ﷺ ko dosare Aasman par le jayia gayia or darwazah khalwaya gayia. Aap ney wahan Hazrat yahya bin zakarya alihima salam or Hazrat Esaa bin Mariyam alihama salam ko dekha. Donon se mulaqat ki or salam kiya. Donon ney salam ka jawab diya, Mubark bad di or aap ﷺ ki nabuowt ka aqrar kiya.
Phir tisre Aasman par le jaya gayia. Aap ﷺ ney wahan Hazrat Yousaf aliyhi salam ko dekha or salam kiya. Unhon ney jawab diya. Mubark bad di or Aap ﷺ ki nabowat ka Iqrar kiya.
Phir chothe Aasman par le jaya gayia. Wahan aap ﷺ ney hazrat Idaris aliyhi alsalam ko dekha or inhen salam kiya. Unhon ne jawab diya, Marhaba kaha or aap ﷺ ki nabowat ka iqrar kiya.
Phiar panchwen Aasman par le jayia gayial. Wahan aap ﷺ ney hazrat haron bin imran aliyhi salam ko dekha or inhen salam kiya. Unhon ney jawab diya mubark bad di or iqrar nabowat kiya.
Phir aap ﷺ ko chatay aasman par le jayia gayia. Wahan Aap ki mulaqat Hazrat mosa bin imaran aliyhi salam se houvi. Aap ﷺ ney salam kiya. Unhon ney jawab dia, marhaba kaha or iqrar nabowat kiya.
Albatah jab aap ﷺ wahan se aage barhe to woh rone lage. Un se kaha gayia:"Aap kiyon ro rahe hen"? Unhon ney kaha: "Maen is liye ro raha hon keh ek naujawan jo mere bad mubaus kiya gayia, is ki ummat ke log meri Ummat ke logon se bohat ziyadah taadad min jannt ke andar dakhil hon ge".
 Is ke bad aap ﷺ ko Satwen Aasman par le jayia gayia. Aap ﷺ ki mulaqat Hazrat Ibrahim aliyhi salam se hoi. Aap ﷺ ney inhen salam kiya. Unhon ney jawab diya, mubark bad di or aap ﷺ ki nabowat ka iqrar kiya.
Is ke bad aap ﷺ ko biyatulmamor dikhalaya gaya jo farishton ka kaabah hey or zamin par kabah ke aeen oper waqia hey. Wahan ek waqat min 70 hazar farishtye tawaf kar rahe they.
Is ke bad aap ﷺ ko sidarat ulmuntahaa tak le jayia gayia. Sidarah ek beri ka darkht hey. Is ke pate hathi ke kan ke barabr or phal matakon ki tarah they. Farishte jaganuon ki tarah in paton par they. Is par sone ke patange, roshani or mukhtalif rang chaye huvay they.Sedaratul Muntaha Alim khalaq or Allah talaa ke darmiyan had fasil hey.
Is ke aage Alim ghaib hey jis ka Ilam siraf Allah talaa ko hey. Yahin par jannatul-mava hey jis ka zikar Sorah najam min hey. Is ke bad Hazur Akarm sallallahu aliyhi wasalm jannt min dakhiil huvay. Hazrat jibril Aliyhi salam sidarah se kuch aage ruk gaye or arz kiya keh agar is muqam se bal barabr bhi barhon to jal kar khak ho jaon. Aab Aap ka or aap ke rab ka mamlah hey.

Safar meraj ke Aham waqiat:

Is ke bad Allah Jallah jalalahu  ke darbar min pohnchaya gayia or Aap ﷺ Allah ke itne qarib huvay keh do kaman ke barabr yaa is se bhi kam fasilah reh gayia. Is waqat Allah ney apane bande par wahi farmai, jo kuch keh wahi farmai. Or 50 waqat ki namazin farz kin.

Is ke bad Aap wapis huvay, yahan tak Hazrat mosa aliyhi salam ke pas se guzare. Unhon ney pochha keh Allah ney aap ko kis chies ka Hukam diya hey?

Aap ﷺ ney farmaya: "pachas, 50 namazon ka".

Unhon ney kaha: "Aap ki ummat is ki Taqat nihen rakhti. Apane parwordigar ke pas wapis jaiay or apni ummat ke liye takhafeef ka swal kigeye".

Aap ﷺ ney Hazrat jibril aliyhi salam ki taraf dekha, goya in se mashwarah le rahe hen. Unhon ney isharah kiya keh haan!! Agar Aap ﷺ chahen.

Is ke bad Hazrat jibril aliyhi salam aap ﷺ ko Allah tabark w talaa ke hazur le gaye. Allah Talaa ney panch namazin kum kardin, or aap ﷺ niche laaye gaye.

jab Mosa aliyhi salam ke pas se guzar hawa to unhen khabar di. anhon ney phir kaha:"Aap apane rab ke pas wapis jaiay or takhafeef ka swal kigye".

Is tarah hazrat mosa aliyhi salam or Allah ke darmiyan aap ﷺ ki aamado raft barabr jari rahi, yahan tak keh Allah Azza wa jall ney siraf panch namazin baqi rakhen.

Is ke bad bhi Mosa aliyhi salam ney Aap ﷺ ko wapsi or talab takhafeef ka mashworah diya magar aap ﷺ ney farmaya:"Ab majhe apane rab se sharm muhasos ho rahi hey. Min isi par raazi hon or sar taslim kham karta hon".

Imam iban Qaiyem rahima hu Allah ney is bare min ikhtalaf zikar kiya hey keh, "Nabi sallallahu aliyhi wasalm ney apane rab tabark wa talaa ko dekha hey yaa nihen".? 

Phir imam iban Taimia rahima Allhu aliyhi ki ek Tehqeeq zikar ki hey jis ka haasil yeh hey keh Aankh se dekhane ka sire se koi sabout nihen or na koi Sahabi is ka qaail hey. Or iban Abbas razi Allahu anhu se mutaliqaa dekhane or dil se dekhane ke jo do qol manqol hen, in min se pehla dosare ke manafi nihen. Aap ﷺ ney Hazrat Jibril Aliyhi salam ko sidarat-ul-muntaha ke pas in ki apani shakl min dekha. Inhen aap ﷺ ney in ki apani shakl min Do, 2 martabah dekha tha. Aek martabah zamin par or ek martabah yahan sidarat ulmantaha ke pas. wa Allahu Aalm.

Ba'az Turuq min aaya hey keh is dafa bhi nabi ﷺ ke sath shaq sadar (sina chak kiye jane) ka waqia pesh aaya or aap ﷺ ko is safar ke duran kai chezin dikhali gayin. Aap ﷺ par Dudh or sharab pesh ki gayi to aap ﷺ ney Dudh ikhtyar farmaya. Is par Aap ﷺ se kaha gaiya keh Aap ko fatrat ki raah batai gayi yaa aap ney Fitrat paa lie.

Or yaad rakhiye keh agar aap ney sharab lie hoti to aap ﷺ ki Ummat gumrah ho jati. Aap ﷺ ney Jannt min char,4 naharin Dekhen. Do zaahari or Do batni.

Zahari naharin neel w farat then, or batni naharin jannt ki do naharin hen. (Neel w farat dekhane ka mutalab ghalban yeh hey keh aap sallallahu aliyhi wasalm ki risalt neel w farat ki shadab wadiyon ko apana watan banaye gi. Wa Allahu Aalm)

Aap ﷺ ney "Malik" Daroghah jahanum ko bhi dekha. Woh hansta na tha or na is ke chare par khushi or bashasht thi. Aap ney jannt w jahanum bhi dekhi.

Aap ﷺ ney in logon ko bhi dekha jo yatimon ka maal zulman kha jate hen. In ke hont unt ke honton ki tarah they or woh apane munhon min pathar ke tukron jise angare thons rahe they jo dusari janib un ke pakhane ke raaste nikal rahe thy.

Aap ﷺ ney Sood khuron ko bhi dekha. Un ke paet itne barhe-barhe they keh woh apani jagah se idhar udhar nihen ho skte they. Or jab aal farun ko aag par pesh karne ke liye le jaya jata to un ke pas se guzarte waqat inhen rondate huvay jate they.

Aap ﷺ ney Zina karon ko bhi dekha. Un ke samane taazah or farbah gosht tha or isi ke pehlo ba pehlo sarha huwa chachindah bhi tha. Yeh log taazah or farbah gosht chhorh kar sarhaa huwa chachindah kha rahe they.

Aap ﷺ ney un Aurton ko dekha jo apane shoharon par dusaron ki olad dakhil kar diti hen. (Yani dosaron se zana ke zariye haamlah hoti hen lican laailmi ki wajah se bachah in ke shohar ka samja jata hey) Aap ﷺ ney Inhen dekha keh in ke sinon min barhye-barhye  Terhe kantay chubha kar in hen Aasman o zmin ke darmiyan lataka diya gaiya hey.

Aap ﷺ ney Aate jate huvay ahil makah ka ek qaafilah bhi dekha or inhen in ka ek ount bhi bataya jo bhidk kar bhag gaya tha. Aap nay in ka pani bhi piya jo ek dhake huvay bartan min rakha tha. Is waqat qaafilah so raha tha. phir Aap ﷺ ney isi tarah bartan dhak kar chorh diya or yeh baat Mearaj ki subah aap ﷺ ke Dawaa ki sadaqat ki ek dalil saabit hoi.

Waqia Meraj or Quresh ka ravia:

Imam iban Qaiyem rahimhu Allah  farmate hen keh jab subah min Hazur ﷺ ney Harm min yeh waqia sunaya to kuffar ney is ki takazeeb ki or kaha keh makkah se biyatulmuqadas jane ke liye ek mahina or wapis aane ke laye ek mahina ka arsah lagta hey or yeh kise mumkin hey keh yeh safar raaton raat taye kar liya jaye or aap Aasman par bhi ja kar Aien. Unhon ney aap sallallahu aliyhi wasalm se swal kiya keh biyatulmuqadas ki kifiyat biyan karin.

Is par Allah ney Aap ﷺ ke liye biyatulmuqadas ko zaahir farma dia. Woh aap ﷺ ki ngahon ke samane Aa gaiya. Chunanchah Aap ﷺ ney Qum ko is ki nashaniyan btaana shuro kin or un se kisi bat ki tardid na ban parhi.

Aap ﷺ ney jate or aate huvay un ke qaafile se milne ka bhi zikar farmaya or batlaya keh is ki Aamad ka waqat kiya hey.

Aap ﷺ ney is Ount ki bhi nashandahi ki jo qaafile ke aage aage aaraha tha. Phir jisa kuch aap ﷺ ney bataya tha wesa hi saabit howa.

Lcan in sab ke bawajud un ki nafrt min izafah hi howa or un zaalmon ney kufar karte huvay kuch bhi manne se inkar kar diya.

Jab Hazrat Abubkar razi Allah anhu ney yeh bat suni to kaha keh agar Hazur ﷺ ney yeh baat farmai hey to bilkul such hey or main is waqia ki tasadiq karta hon. Is moqa par Hazur ﷺ ney hazrat Abubkar razi Allah anhu ko "Siddiq" ka lqab ata farmaya.

Masjid Aqsa ke padari ki gawahi.

Hazur Akarm ﷺ ney sulah Hudibiya ke bad 7 hijri min Hazrat Dahiya kalbi razi Allah anhu ke zaria qisar room "Hiraql" ke pas naamah mubark bhej kar Islam ki dawut di. Hiraql ney apane logon ko hukam diya keh hijaz ka koi taajr mojud ho to Ese bula laayin.

Eitafaq se is waqat taajron ke ek qaafilah ke sath Abu sufiyan (razi Allah anhu jo abhi muslman nihen huvay thy) mojud they,  jin se hirqal ney Hazur ﷺ ke bare min swalat kiye.

In swalat ke jawabat dine ke duran Abu sufiyan (razi Allah anhu) ko meraj ke waqia ka khayal aaya or unhon ney ise biyan karte huvay kaha keh Hazur ﷺ raaton raat masjid Haram se masjid Aqsa ka safar karte huvay Aasmanon par tashareef le gaye or phir wapis aaye. (Maqsad ghalban yeh tha keh yeh bat bata kar Hiraql ko Hazur ﷺ ke mutaliq shak w shubah min dala jaye or Aap ﷺ ko maaz Allah jhota saabit kiya jaye.)

Hiraql ke darbar min itifaq se is waqat Masjid Aqsa ka laard padari Mojud tha jis ney yeh batlaya keh woh har raat sone se pehle Masjid Aqsa ke tamam darwaze band kar dita tha, lican is raat koshash karne ke bawajud sadar darwazah band nihen huwa. Aakhar kar unhon ney njaron ko bolwa kar ise band karna chaha magar bawajud koshash ke woh naakam rahe. Is lieye darwazah khula chhorh kar sab log gharon ko chale gaye.

Padari jab Alaalsubah Masjid aaya to Masjid ke darwazah ko bilkul theek paya. Masjid ke qarib chatan min sorakh dekha jis se kisi janwor ko bandhane ka nashan tha. Padari ney kaha keh raat ko darwaze ka khula rehna siraf is nabi ke liye tha jis ki bashart Hazrat Esa aliyhi salam ney di thi, or yeh keh unhon ney Masjid Aqsa min raat min zaror Namaz parhi ho gi.

=======================

Hawalah jaat: 👇👇👇

Al-Raheequl Makhtoom. By Molana Safi ur-Rahman Mubarak pori.

Seerat-ul-Mustafa. By Molana Idrees kandhlvi.

(Serat Ahmed Mujtaba. Zaadulma'ad)