waqia Aam ul fil [Hati walon ka Qessa]Abrahah ka Beytullah pr Hamlah Or Us ka AnjaamPart:5

 Abrahah ka Beytullah pr Hamlah Or  Us ka Anjaam

Seert alnabi (Qist nambr 5)

 ========================== 

Quresh Etni bari foj se lar kar kaabah ko bachane ki taqet na ruktey thy, lehza hazrat Abdalmutalab ne Inhen kaha kah sab apane bal bachon or mal maveshi lekar paharon min chale jain taakah  un ka qatal am na ho. Phir woh Quresh ke chand sardaron ke sath harm kaabah pohnche or Allah ke hazur apani kamazori ka Ezhar karke duain mangi keh woh apane ghar ki khud hafazat frmaay. 

Muarykhain ne hazrat Abdalmutalab ke jo duayia ashaar nakal kaye woh yeh hen. 

"Elahi ! Bandah apane ghar ki hafazat karta hay to bhi apane ghar ki hafazat farma. Kal un ki salib or un ki tadaber tiri tadaber par ghalb na aane pay. Salib ki aal ke maqable par aaj apani aal ki madad farma". 

 Aye mere rab! Tere sewa min un ke muqable min kasi se Umid nihen rakta. Aye mere rab!  Un se apane harm ki hafazat farma.

  Yeh duain mang kar hazrat Abdalmutalab bhi sardaran Quresh ke sath baqi ahil makah ke pas paharon min chale gaye.

 Dosare roz Abrheh ne makah par hamlah ka hukam diya or wah makah min dakhal hone ke laye aage barha, magar heert angies tur par is ka khaas hathi "Muhamud" makah ki taraf chalne ki  bjaay wahin beth gaya or be panah koshash ke bawajud bhi apani jagah se na hila, magar jab is ka moonh Sham ki taraf kiya gaya to uth kar chalne laga or Yaman ki taraf rokh hawa to odhar bhi dorne laga, magar makah ki taraf ise chalane ki koshash ki jati to ek inch Edhar na barhta.

 Natijtah! baqi hathiyon samiyat sara lshkar bhi apani jagah Entezar min ruka hawa tha. 

Abhi woh esi chaker min phanse thy kah Allah ke qahar né un ko aa liya or Allah ke hokam se Ababelon ke jhand ke jhand un par naazl hogaye. har ababel ke chonch or donon panjon min sangrize dabe  howy thy.

 Abraha or is ke lshkar ke weham w guman min bhi na hoga kah un ke sath kiya hone wala hay… 

Ababelon ne  un ke oper aa kar wah sang rize garana sharo kardaye. wah sang rize , sang rize kahan thy!!!. woh to  Allah  ka azab tha. Jis par jahan garte, bjay sirf zakhami karne ke... Kisi chhotay bam ki si tabahi mcha dite.

 Allah ke ghar par hamlah karne ki  jurra'at karne walon ke laye kahin koi  jay panah na thi. 

Thori hi der min Abrahah apane 60 hazar ke lshkar or 13 hathiyon samiyat sangrizon ki is barsh min apane anjam ko pohcha or yon pohcha kah jisy khaya hawa bhosah ho.

 Har taraf ansani laashin chitharon ke rop min pareen then. Yeh waqia 571 eswi min muharm ke mahina min mazdalfah or mena ke darmiyan wadi muhsb ke qarib "mohssar" ke maqam par pesh aaya.

 Jis sal ya waqa pesh aaya ahil arb Esy aam-ul-fil kahate hen, jabakah esi sal is waqa ke 50 din bad Aap sallallahu aliyhi wasalm ki waladat mubark hoi.

==========================

 (Baqi Aindah In shaallah) 

 Seert alnabi. Molana shabli naamani.

 Sertulmastaf. Molana Muhammad Adaris kandahlvi

Alraheequlmukhtom urdu.

Molana Safi urahman mubarkapori..